السلام عليكم ورحمة الله وبركاته
طبعا الخبر نزل مثل الصاعقه
اليوم اتصلوا فيني من ادارة صالة زايد وقالوا تعال استلم فلوسك مال الحجز لانه الموقع عليه هدم 
تم توقيف جميع الاعراس اللي بعد العيد ولا يوجد اي مكان بديل
المصيبه ان الواحد مرتب نفسه ومعدل وضعه … الحين كل شي اتلخبط ويتم اعادة الميزانيه من اول وجديد
لا في بديل ولا في اي مساعده من منحه وغيره
واذا رحت صندوق الزواج قالوا انتو يا شعب دولة الامارات فيكم مرض البذخ
الله يرحمك يا زايد صرنا أيتام من بعدك
ما لنا غير الله سبحانه
دام هدم
اكيد قابل للتجديد
الله ايسر امورك
ياخوي انته سويت اللي عليك و اهل العروس اكيد يعرفون هالشي ..
هالشي اللي صار الحين مب بإيدك .. و بإذن الله بتقدر تسوي عشا عائلي في بيت العروس او خيمه صغيره في فريجهم ..
و الله يوفجك و تتيسر امورك ..
قال تعالى: ” قل لن يصيبنا إلا ما كتب الله لنا “(التوبة 51)
المشكله ان القرار صدر بصوره عشوائيه دون اي بديل ولا اي مهله
قدمنا شكوى في اذاعة استيديو واحد .. وان شاء الله خير
احنا معلقين الامل بالله سبحانه والله على كل شيء قدير
والحمد لله على كل حال
واشكركم يا اخواني
وخاصه اشكر اخوي صاحب القلب الكبير ( كبير المستثمرين )
لا يوجد أعظم من التذكير بالله سبحانه
القصه فيها حكمه بالغه وآيه عظيمه
وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ