اليوم وانا في محطه من محطات ادنوك للتوزيع في مدينه العين، المحطه الي قريب من المرخانيه على شارع المطار ، اعبي بترول لسيارتي لفت انتباهي وجود مضخه وقود مكتوب عليها غاز طبيعي ، عاد انا شد انتباهي الموضوع وعلى طول سالت العامل ، قلتله شو هذا الغاز …. قال هذا وقود جديد عباره عن غاز طبيعي بيكون مخصص لسيارات التكاسي.
ومن فتره سمعت ان فيه كراج في العين يحول السيارات الامريكيه الي سيارات تقدر تشتغل على الغاز ، بصراحه تفائلت خيرا …. لان موضوع ارتفاع اسعار وقود صارت ضاهره مزعجه والواحد لازم يتاقلم عليها والغاز الطبيعي بديل رخيص وهو افضل خيار متوفر في المستقبل القريب
تخيل انك تعبي سيارتك فل ب 30 درهم او 50 درهم 
بس عقبها ماشي قوه فالموتر ولا عزم ولا مشي ولا شي …
ياعمي بفلوسك محد يدوسك .. حط فلوسك ف مخباك و عبي بترولك فل و عيش حياتك ^_^
الكلام صحيح وعلى حسب علمي سوف يتم استبدال سيارات التاكسي وتحويلها بالغاز في خطه اوليه واللي يبغي يغير سيارته يقدر عن طريق بعض الكراجات والسيارات الجديده تاتي بعضها بالغاز
السلام عليكم ورحمة الله وبركاته
اخوي واللي عنده لكزس او استيشن يقدر يحولهن بعد والا بس الامريكي؟؟؟
ياريت حد يفيدنا؟؟؟
تكفا دورلي هذا الكراج والله حتى الدراجه بحولها على الغاز