إخواني
السلام عليكم و رحمة الله و بركاته
بأريد أعرف رأي اهل الخبرة في موضوع مثير للشك وايد و هو كيف أعرف اذا كان السيارة فعلا ماشية الرقم الموجود بالعداد …. يعني الاقي سيارة موديل 2001 ماشية 60 الف فقط!!!
يعني كل سنة لين 2009 ماشية اقل من 10 الف كيلومتر في السنة!!
انا طبعا بأحسن الظن بالناس لكن للاسف الشين زاد على الزين في هذا الزمان و خصوصا لما بتشتري من معرض مع احترامي لاصحاب المعارض و هم من اهلنا و احبائنا الا القلة اللي اسأل الله عز و جل ان يهدينا و يهديهم، لكن تلاقي اغلب سيارتهم ماشاء الله تبارك الله حتى لو موديل 1972 تلاقيها ماشية اقل من 50 الف 
ما أدري وين كانت طول هي السنين.
الاخطر لما تشتري سيارة حديثة نوعا ما مثل 2007 أو 2006 و ممكن تكون ماشية مثلا 120000 و يغشوا العداد و يسوه 25 الف بس فتنخدع و تشتريها.
فياليت اهل الخبرة و الامانة يخبرونا كيف نتأكد من عداد السيارة اذا كان صحيح عسى الله ان يكفينا و يكفيكم شر النصابين.
الله كريم
انا كان عندي سيارة ماشية 350 الف بعد 3 سنوات اشترها المعرض وصدفه لقيت الريال الي اشتراء السيارة وكان العدد 100 الف بعد 350 الف عند السيارة تماشي بالعكس
مشكور يأخوي على الطرح الرائع وأسمح لي أشارك في الموضوع !!!!!!!
موضوعك جدآ مهم بالذات للي يفكر ياخذ سيارة وأنا من وجهة نظري بأن الشخص اللي يفكر ياخذ سيارة للاستخدام الشخصي أخير شيء يفكر فية إنة ياخذ من معرض !!!!!!!!!!
الأفضل إنة ياخذ من شخص مستخدم حتى لو دفع زيادة بسيطة في السعر ومع العلم إنة حتى أصحاب السيارات قاموا يلعبون في العدادات وياليتها كذا بس حتى قاموا مايدخلون السيارات الوكالة أبدآ من يوم يشترونها حتى يقررون يبيعون ويوم بيبيعون السيارة يردون العداد لين 50 الف ويدخلون السيارة الوكالة !!!!!!!!!!!! هذا حصل أمامي !!!!!!!!!!
لذلك نصيحة لوجة الله لأي حد بياخذ سيارة مستعملة أأأخر شيء تطالع فية العداد أعمل حسابك دائمآ انة ملعوب فية وإذا قررت تاخذ السيارة خذ السيارة وافحصها أكثر من مرة وترى مشي السيارة وايد مايعيبها دائمآ بالذات اذا كان المستخدم الاول محافظ عليها (( أعرف واحد عندة سيارة موديل 2001 ماشية أكثر من 570.000 كيلو ويوم تركب فيها أو تسوقها تقول ماشية 50 الف بس ))
والسموحة منكم على الاطالة …..
ياريااال الحين في كل مكان يردون لك الكيلوووو
وبعد يعطونك ضمان ان الوكاله ماتعرف
السلام عليك
ردك هلكني من الضحك
حاشى لله اني اتشمت فيك يا خوي
بس مثل ما يقولون
شر البلية ما يضحك
عزيز و غالي
كلامك صح …….
أنا عن نفسي ……. خذيت قبل لكزس وارد امريكا ……….. ماكان فيه شي … بعد ماسجلته سمعت صوت في المكينه مثل صوت الوالات ……. قلت هع هع سوولك يالقناااااااااااص ….. المهم وديتها عند قراج معرررررررووووف …. قالي هذا شي عادي هذا الآيل بم تعبان عندك … بعد ماتحر المكينة يخوز الصوت
قلت للقراج أوكي بدل الآيل بم شو المشكله
قالي …… حرام تبطل لأنه الآيل بم داخل المكينة وخرط علي ولاتخسر ….. سخن السيارة ونتهى الموضوع مايستوي شي
ومشيت على كلامه ……..
شو صار ……………… والله مره زريت الموتر زر ………. للأسف الآيل بم ضغيف مايرفع الآيل
ليش ما البستن يكسرلي البلوك مال المكينة وينصب الآيل على المنيفول وهو حااااااااااااااااار وتلبق علي السياره
وحترقت بكملها
وعليكم العوض
للأسف المعرض غشتني ………………. والقراج تفلسف علي ………. فنهاية أنا كليتها
الحمدالله ……. درست وتعلمته ………. غير الموتر الوكالة مافي