إخواني
السلام عليكم و رحمة الله و بركاته
بأريد أعرف رأي اهل الخبرة في موضوع مثير للشك وايد و هو كيف أعرف اذا كان السيارة فعلا ماشية الرقم الموجود بالعداد …. يعني الاقي سيارة موديل 2001 ماشية 60 الف فقط!!!
يعني كل سنة لين 2009 ماشية اقل من 10 الف كيلومتر في السنة!!
انا طبعا بأحسن الظن بالناس لكن للاسف الشين زاد على الزين في هذا الزمان و خصوصا لما بتشتري من معرض مع احترامي لاصحاب المعارض و هم من اهلنا و احبائنا الا القلة اللي اسأل الله عز و جل ان يهدينا و يهديهم، لكن تلاقي اغلب سيارتهم ماشاء الله تبارك الله حتى لو موديل 1972 تلاقيها ماشية اقل من 50 الف 
ما أدري وين كانت طول هي السنين.
الاخطر لما تشتري سيارة حديثة نوعا ما مثل 2007 أو 2006 و ممكن تكون ماشية مثلا 120000 و يغشوا العداد و يسوه 25 الف بس فتنخدع و تشتريها.
فياليت اهل الخبرة و الامانة يخبرونا كيف نتأكد من عداد السيارة اذا كان صحيح عسى الله ان يكفينا و يكفيكم شر النصابين.
بيلعن صيرها و بيكسرها قبل لا يشتريها
فسالفة تبديل الجير انا معاك ..
بس سالفة انها متماسكه ولا لا هاي ما يخصها .. في سيايير نوعيتها جذي تعبانه و في سيايير هادية
اخوي اول شي سوق السياره
شوف ادخل هوى؟
دوس ريس كامل شوف كيف تبديل الجير
لانه الموتر اللي ماشي وايد يفرق عن اللي مشيه اقل في التبديل حتى المكينه شوف كيف عزمها
بعدين سوق السياره في القرقره واسرع على المطبات واسمع الاصوات لو كانت مب حشره و متماسكه فاكيد السياره ماعليها كلام
ترا الوكاله عمرها ماعرفت الكيلو منزل ولا لأ
يا كثر المواتر اللي تلاقيها ماشية شوية
و خاصة المواتر اللي كانت فيد الحريم
ماخذتنها عن خاطرها ولا تحركها
بتلاقي الانفنتي و المورانو و البي ام و المرسدس
موديلات 2003 ماشيه حوالي 50 الف
حدها من الدوام للبيت .. و شي شباب بيتوتيين
مب قز ع البحيرة و الممزر ليل نهار ..
عندنا سيارة بقراطيس الوكالة و عدت الـ100 ألف و السيتات الخلفية ماقد حد ركبها .. مش معناتها اني ارفض شراء السياره لانها مشت فوق ال100
يعني بالنهاية بتلاقي مليون شي يقنعك تشتري السيارة .. قبل ما تشوف انها كم ماشية
صحيح كلام الاخوان الكيلو مب مهم
عندنا استيشن لكزس موديل 98 ماخذنه الوالد اول مانزل من بهوان
وماشي اكثر من اربع ميه الف واربعين 440 الف والموتر من داخل تقول ماحد يستخدمه
والموتر نظيف نظيف ولي يشوفه يقول هذا مب ماشي مول..
الل نك تدفع عربون لصاحب السياره وتوديها الوكاله وهم بيخبرونك
اذا مرجع العداد ردله السياره وخذ عربونك واذا لا توكل واشتر السياره
وصح كلامك بس شنسوي شي ناس مايخافون ربهم ودورون الربح باي طريقه حتى لو كان بالحرام