إخواني
السلام عليكم و رحمة الله و بركاته
بأريد أعرف رأي اهل الخبرة في موضوع مثير للشك وايد و هو كيف أعرف اذا كان السيارة فعلا ماشية الرقم الموجود بالعداد …. يعني الاقي سيارة موديل 2001 ماشية 60 الف فقط!!!
يعني كل سنة لين 2009 ماشية اقل من 10 الف كيلومتر في السنة!!
انا طبعا بأحسن الظن بالناس لكن للاسف الشين زاد على الزين في هذا الزمان و خصوصا لما بتشتري من معرض مع احترامي لاصحاب المعارض و هم من اهلنا و احبائنا الا القلة اللي اسأل الله عز و جل ان يهدينا و يهديهم، لكن تلاقي اغلب سيارتهم ماشاء الله تبارك الله حتى لو موديل 1972 تلاقيها ماشية اقل من 50 الف 
ما أدري وين كانت طول هي السنين.
الاخطر لما تشتري سيارة حديثة نوعا ما مثل 2007 أو 2006 و ممكن تكون ماشية مثلا 120000 و يغشوا العداد و يسوه 25 الف بس فتنخدع و تشتريها.
فياليت اهل الخبرة و الامانة يخبرونا كيف نتأكد من عداد السيارة اذا كان صحيح عسى الله ان يكفينا و يكفيكم شر النصابين.
السلام عليكم ..
بصراحه موضوع مهم وايد
فحبيت اعطيكم نصيحتي أو طريقتي في شراء السيارات ..
الحمدلله الحين حاليا استخدم سيارة شريتها مستعملة … والحين صارلي سنة اسوقها .. للحين ولا شخص عرف ان السيارة انا خذتها مستعملة .. الكل يحسبها وكاااااااااله
المهم حبيت اعطيكم نصيحتي لكم ياللي تبغون تشترون سيارة مستعملة وبهالطريقه تضمن 99,9% انها غير مغشوشة
طبعا بتكلم عن السيارات الحديثه يعني موديل السنة
-اول شي شوف حالة السيارة ونظافتها
– اسأل صحابها يعطيك تقرير عنها مثلا عن الحوادث .. والخرابات اللي تم تصليحها عسب تكون فالصورة
– واهم نقطه عسب تتأكد ان السيارة 100% … اطلب تقارير الوكاله على كل التجييكات .. هني عاد حاسب ولازم تاخذ وقتك في القراءة وتتمعن .. اول شي شوف التواريخ مثلا كل 5 آلاف كيلو فكم يوم كان يقطعها؟ .. وهل كان وديها كل تجييك ومواظب عليها؟ ولا مايدخلها الوكاله؟ .. وشوف بالضبط كل تقرير لكل تجييك في الوكاله اذا كان فيها شي اخترب وصلحوه ولا مافيها شي مجرد صيانة عاديه ..
وركززززز اكثر شي على التواريخ ومتى آخر مرة وداها التجييك ومتى قبل آخر مرة .. وقارن بين التواريخ والفرق
وانا الحمدلله سيارتي توفقت فيها …
والله يوفقكم يميع
والسموحه طولنا