الــــفـــــضــــول

19 thoughts on “الــــفـــــضــــول”

1. ……………

   انا اخويه نفسك تقريبا هوايته السيارات والاكترونيات .. بس هو شوي مزودنها يعني انت اذا شي اخترب تصلحه .. هو لا حتى لو الشي مب خربان بطله وشاف شو داخل ورد ركبه وعادي يخربه !! ههههه بس ما شاء الله عليه الحين عنده خبره كبيره في هالمجال

   انا اعتقد ان الفضول يعتمد على شخصية الانسان وميوله .. يعني اذا انت ما تميل لشي معين ما بيكون لك فضول تعرف عنه ..

   مثلا انا مب من النوع اللي احب السيارات و اتدخل في تفاصيل تفاصيلها !! فما فيه فضول اعرف عن السياره و المكينه والجير والهدرز والنايترس والتيربو و والبستن وكيف تشتغل المكينه و اي نوع من الجير احسن !! ما يخصني بالمره ههههه اللي اباه سياره اوكي اسير و ارد فيها واذا اختربت اوديها الوكاله و اطبق المثل اللي يقول نعطي الخبز للخباز ولو ياكل نصه وما ايلس اتفلسف في هالمجال هههه يا ريال انا عندي ربع يعرفون انواع صبغ السيارات واي صبغ احسن و انواع الكيابل اللي تظهر من المكينه !!

   نفس الشي بعد بالنسبه للتلفونات >> بعد ما يخصه هههه اعرف ناس عادي اذا اخترب التلفون يبطله ويصلحه ويرجع يركبه ويعرف عن البرامج مال التلفون ومواقع وماعرف شو .. انا اذا اخترب التلفون سرت وخذت غيره بكل بساطه !

   انا بالنسبه لي فضولي يعتمد على المزاج يعني تييني فترات اهتم بشي وتلاقيني اسأل عن كل شي فيه .. اول ما احس اني عرفت عنه كل شي تقريبا أمل منه ! .. مثلا هالأيام مهتم باليخوت وبالرحلات البحريه هههه و ما خليت شي ما قريته عن هالسوالف

2. ……………

   بس اقول .. لا تنسى الشي اللي قلت لك عليه خربان بسيارتي .. متى بصلحه؟

   ما يخصني بموترك. خل أخوك اللي في المنتدى يصلحه.

   مشكله يوم الواحد يقولكم يعرف شي. كلكم تنطون. << البلاش كثّر منه.

3. 
   أول شي لازم اصحح … هي مب ” ان” ولكن ” انا ” وكان خطأ مطبعي مني

   وهالجملة ” أنا جديلها المحكك … وعذيقها المرجب ”

   فهو مثل كانت تقوله العرب .. يقوله الشخص حين يريد القول انه هو صاحب الأمر .. وأنه أولى به من غيره …

   والجديل المحكك هو العمود الذي كان يوضع للإبل التي يصيبها الجرب فتتحكك به حتى تشفى من هذا الجرب

   والعذيق المرجب هو عذق النخله الذي يرجب ( وبصراحه ما اعرف شو يعني يرجب )

   وسلامتك من الفضول

   ممتاز !! حتى الكلمه الوحيده اللي فهمتها طلعت غلط هههههه

   اما انك تقول حاجات غريبه بشكل .. خف علينا شوي من وين تييب هالجمل والمصطلحات .. يعني انا مثلا اذا يلست اكتب لمدة عشر ساعات ما اتوقع اكتب جمله مثل هذي ههههه ابعدت النجعه في هذا الموضوع وانا ساكت لك

   وعن موضوع اخوك اللي في المنتدى .. شي عادي جدا ولا يهمنا ولا اصلا نبا نعرف منو هو ولا اي شي .. اصلا هذا شأن شخصي ونحن ما نبا نتدخل فيه ولا نعرفه عسب لا تتضايق ولا هو يتضايق واذا حد سألك لا تقول .. انا مثلا اذا حد سألني بقول ماعرف .. اصلا في ناس جي يحبون يعرفون كل شي !! دووووده بعيد عنك ههههه

   امممممم .. انت بس لو تقول لنا اول حرف من اسم اخوك في المنتدى و ابدن ابدن ابدن بوتاااتن واطلااااقن محد بيعرف ولا بنخبر حد وبيكون سر بينك وبيننا اخوانك واخواتك اللي في المنتدى

4. شغلي يطلب مني اكون قضولي لازم

   تفتيييييييييييييييش..

Comments are closed.