مساكم الله بالخير
طبعا زي منتوووو عارفين الكرك استوى المشروب الشعبي في الامارات
و خلق الله شرات متيمعين على كافتيريهات الكرك شرات النحل على العسل << كنت بقول الذباب خخخخخخخخ Com مأثر على عقليتي ويا تشبيهاته
و اغلبنا مدمنين كرك و سبحان الله اللي يتعود يشرب الظهر يتم كل ظهر يحاوط يدور كرك
و اللي المغرب
و الي فليل خصوصا انا هالايام لازم الساعه 8 جاي كرك يعدل المزاج
الكرك ويانا في المناسبات السعيده
و في السفر
و اصبح رفيق حياتنا اليوميه
الموهيم
في البدايه احب اشارك وياكم طريقة عمل الكرك
و كل الشكر للاخت الكريمه عفاري اللي علمتنا الطريقه و سمحت لما ناخذ هالصور المعبره عن طريقة عمل الكرك اللذيذ
اول شي
المقادير
طبعا جاهي
هال
اظن انه هال مب متأكده..لازم اتأكد من عفاري خخخخخخ
و باعدين
شوووكر
لاحظو الفنيال في الشكر خخخخخخخ << الوالده ما تعترف بالخواشيق
و اخيرا
ماي ورد
نحط كل المقادير في الدله على الضووو
و عقب سلمكم الله
نضيف قطعة بسكوت وحده مال بو نص << عقب ارتفاع الاسعار مادري بكم استوى
و الجاهي زاهب
الحين نيب ريمبووووووووووو
و نصبه في استكانه
و نصب عليه الجاهي
و يصبح جاهز للشرب بالهنى و العافيه
و هذا حق اللي يبون يسوونه في البيت
بس نحن ما نحب نسويه في البيت لازم الكرك + حواطه
و اليكم لسته مصوره بأزعم الاماكن اللي يبيعون فيها كرك
و اليكم صوره تاريخيه هههههههه
و الان
تطورت العزبه اليس كذلك؟
و بعد كافتيريا بن عمير في عيمان هاك مووووووووب طبيعي و لا يتفوت
و ان شاء الله يعيبكم الموضوع اللي حطيته على عجل
مشكلة اللي يدمن ع الكرك …انا اتعودت كل جمعة وسبت الصبح اسير عند عبيد في الممزر…حر..برد…لازم اسير..وحلاته ايام الشتاء لما يكون الجو مغيم..مرات ودي اشرد من الدوام واسير هناك..
احلى موقع الممزر..واحد ياخذ له كرك ويتمشى ع البحر..قمة في الرووومانسية لووول.
حد يدلنا على مكان انروم انحصل عنده كرك في بر دبي حق الاوقات الصعبة يوم ما نروم انسير الممزر..كان شي واحد على شارع جميرا بس هدموا المبنى..مع انه ما كان يضبطه…
مشكورة دبي بيبي ع الموضوع الحلو..
لو تحطين عنواينهم بتسوين خير..بالمرة ضيفيهم في دليل اتصالات عسب انروم انسوي سيرج عن اماكن بيع الكرك في البرنامج الموجود في الموبايل.. لووول
الله يسامحج دنيا وآخره دبي بيبي
زين جي يا فخاطري ألحين
بصلي الفجر وبسير مطعم راشد علي
حتى ماقدرت أكمل الموضوع لي عوده
الله يعطيج العافيه …
الزعااااااااااااااااااااااامه