السلام عليكم
الفئه 11 بتنزل والفئه 4 بتكون الاحمر القديم يعني الفئه 5 راح تكون ثاني فئهوالفئه 6 ثالث فئه يعني مثل الكود b والكود c فدبي طبعا الازرق والرمادي والاخضر بيكونن 789 يعني الفئه 5 والفئه 6 احسن و(التوقعات) انها راح ترتفع اسعار الفئتين 5 و 6 يعني الي عنده يحتفظ فيهم احسن ..
والي عنده راي او فكره يفيدنا لانه هاذيمجرد توقعات …
احلى شي راح يكون كود1 وكود 5
شكلهم ع الموتر احلى
يعني الاحمر القديم لو صار كود 4 احس الـ 5 شكليا احلى
وهالكلام نعرفه من زمان
لكن لو نزلوا مزاد كودات 1 و 2 و 3
راح تكون اسعارهم فوووق فووووق
خاصه الكود 1
يعني الاحمر القديم بيطيح سوقه بعد ما يستوي كود 4 وتنزل هالكودات
يا جماعه خلونا نكون واقعيين…..
و نقارن ارقام دبي A,b,c,d,e,f,g,h,i الخ……
a الابيض القديم معروف يعني قديم و الاصفر ب اما c فكان ما يصدر الا من ديوان الشيخ محمد يعني اللي عنده واسطه…
اللي صار…
1- شي ناس تهتم بشكل الرقم بغض النظر عن الكود. يعني اخذ ثنائي من الفئة 100 ما يهم دام انه ثنائي…
2- شي ناس تاخذ الرقم للشكل على السيارة… مثلا رقم 11111 من فئة I اي احلى و اغلى من اتش و جي…
3- شي ناس تحب الرقم فيه اصفار فالكود ماله تاثير الا بمتى تم صرفه…
4- ارقام ابوظبي الفئة الخامسة لازالت اغلى الارقام لانها اول ارقام دخلت المزاد و اخونا الخوري ما قصر سوى دعاية على مسنوى العالم فبالتالي الفكرة السائدة عند الكل انها اهم و اغلى فئة كونها اول مزاد و محد خذ منها الا اللي عنده فلوس…..
5- خلونا نقارن بقيمة رقم معين في كل الامارات مثلا ارقم ثلاثي من ابوظبي يسوى الحين ما بين 150 الف الى 500 الف….و طبعا يفرق لما يكون مثلا 777 غير عن 770 او 700… لو كل واحد قارن بين الارقام بيعكس تقييمه تفكيرة بطريقة عرض الرقم… لمحبي الترقيم بيقول 700 و انتهى الموضوع و لكن لمحبي الشكل 777 احلى لانه ثلاثي من رقم واحد….. و هني تبدأ قيمة الرقم من طريقة العرض….. الارقام الثلاثية في دبي تبدا ب 35 الف و توصل الى 200 الف …بينما ارقم الفجيرة و ام القيوين و راس الخيمة الثلاثية تبدا من 15 الف الى 60 الف بالكثير….. بالرغم من تشابه الارقام بارقام امارة دبي لحد كبير…. و من بعيد الفرد ما يركز على الكود كثر ما يلفت انتباهه الرقم السهل…
هذا يدل على ان الناس تعتمد الارقام على قوة الامراة ولكن في نظري التقييم القوي و الصحيح هو انه ارقام الشارجه يجب ان تكون اغلى الارقام لاعتمادها الكلي على الواسطة يعني لا تتوقع تشتري رقم مميز .. اذا عندك واسطة بتلقى رقم و كل ما كانت واسطتك قوية كل ما كان الرقم اقوى….
الدليل على كلامي و الحكم عليكم…..
4 سيارات رنج روفر سبورت متابهة اللون و الموديل واقفة عند الجي بي ار كالاتي:
1- رنج عليه ثلاثي ابوظبي الفئة الخامسة 555
2- رنج عليه ثلاثي دبي الفئة دي 555
3- رنج عليه ثلاثي الشارجة كود 2 رقم 555
4- رنج عليه ثلاثي من راس الخيمة او ام القيوين او الفجيرة كود ايه 555
التقييم راح يكون كالاتي…… حسب منظوري و لكم الحق بابداء رايكم
رنج ابوظبي اما واحد عنده خير وفلوس او واحد وحليله متسلف من البنك للخقة بعد زيادة الرواتب الاخيرة….
رنج دبي يعتمد على شكل السايق ان كان بكندورة وغترة قد يكون راعي برستيج او واحد عنده خير…
رنج الشارجة اما يكون واحد عنده واسطة قوية ولد عز او ان الموتر مال ربيعه….
رنج الامارات الثانية..واحد يحب الكشخه و مش عيب اشتري رقم سيارة ب 30او 50 الف و موتر ب 350 الف يعني مجموع 400 الف اقساط على البنك….
للموضوع بقية….
اول خلهم يخلصون الفئات الحالية 5 و6 و 10 و 11 وبعدين اسال عن 1و 2 و3
لاتنسون مزايدات أرقام 5 و 6 ماخلصت
وبعدين ولا رقم بيع مميز من 10 و 11
خلهم الحين يخلصون ويبيعون على الجمهور الفئات المذكوره وبعدين يصير خير في 1و 2 و3