السلام عليكم ورحمة الله وبركاته

بعد البحث والتحري ,,,,,,,,, مقدمة لازم تقراها
المثل يقول ” عط الخباز خبزة ولو كل نصه ”
مب كل خباز ينكل خبزة , خباز عن خباز يفرق مب كل خباز في السما يبرق …………. :075:

بعد ما تقرون هذا قولو انا صح ولا غلط وشو اسوي (( تراه رايكم مهم ))

واللي يشاور ما يندم فشوركم وهداية الله
الكل يجري ورا المادة والكل يبا يترزق لكن وش يفيد الندم بعد ما الواحد يدفع ما جمعه من فليسات في عموله او نضير خدمة معينه ……………… بعد ما يفوت الفوت ما ينفع الصوت

المهم وليس الاهم

انا كنت محتار في اسعار بعض السيارات الوارد واريد اشتريها من الخارج طبعا بتكلفني عمولة وتخليص من الجمارك واحيانا السفر الي الخارج والاهم شراء بطاقه الضمان لدي الوكيل

اليكم التحصيل والفرق
السيارة المرغوبه S550 تعالو نشوفها كم بتكلفنا وارد
zero km
V8,5.5L 32- valve
ESP Electronic Stbility Program
ABS,BAS
Cruise control
Navigation System
Elictronic Simulated Analog
هذه المواصفات من الوكاله للسيارة العاديه تكلفتها تقريبا 320 الف درهم + 60 الف العمولة والشحن والجمرك والضمان لدي الوكاله والتأمين الشامل = 380 الف تسوقبها في الشارع وانته مطمئن

المواصفات فل فل فل فل فل فل فل فل اوبشن وارد
تعالو نشوف

نفس المواصفات العاديه +
ABC Active Body Control نظام التحكم في اتزان السياره ( زيادة الركاب والانعطاف)
AMG Sport Pakege يضم ( بودي كيت والرنجات وبعض اكسسوارات AMG )
Distronic PLUS يضم ( حساسات اماميه وخلفيه مع نضام القيدة الاتوماتيكي )
ستارة خلفيه
سقف بانوراما
المقود من الجلد والخشب
نظام Keyless Go
نظام بلوتوث مع الهاتف
قبضات الابواب كروم
الاضواء الامامية محاطه بإطار كروم
المرايا الجانبيه كروم
ما عدا النايت فيجن مش مهم لانه الحمد لله بلادنا منوره بأهلها مع انه تكلفته ما تزيد عن 10 الاف درهم

التكلفه 395 الف درهم + 60 الف مثل ما قلنا قبل شخن وغيرة ….. الخ = 450 الف درهم وهذا سعر مقارب لأسعار الوكالات في الدولة بالنسبه للفئه

الحين شو رايكم اطلبها من برع واتعنا كل هالعنا كله وكمشنات وعمولات وتخليص جمركي وغيرة
ولا
اخذها من الوكاله واريح بالي مع الترقيم والتأمين والفرق بسيط

في نظركم الوكيل ما يستاهل الفرقيه نضير الخدمات اللي يقدمها لي دام اني دافع دافع لا محاله ونعطي الخباز خبزه

وما ضني اللي بيدفع في سيارة 390 الف بتغلبه الـ60 والـ70

على فكرة الحمد لله كل سياراتي وكالة مربحنهمممممممممممممممم خخخخخخخخخخخخ
واللي عنده لا يبخل علينا

19 thoughts on “الفرق بين الوارد والخليجي (( تمهل قبل لا تندم )) وخلك طبيعي”

  1. احم احم وين كنا

    نعم صحيح صحيح

    انا عن نفسي مسكين وفقير هااه شوف شوف الفانيله منطرة من كل صوب حتي ما اعرف وين اليد وين الرقه البسها كيف ما طلعت……………….. تقولي بورش يالله يسمع منك وتطيح في حضني فانتيوم

    يقولك النيك نيم يدل علي شخصية الواحد

    شوف ما شاء الله Gold اسم عمسمي
    وانته ما عليك زود

    المهم عندي سيكل جان تبوني اردفكم حياكم بس اركبله شدة ورا وفالكم طيب حاليا انا ابدل الصنقل تعرف يعني من كثر الدعاس انقص من يجهز بعطيكم كول خخخخخخخخخخخخخخخخخخخخخخ

    خليك ربي

  2. انا اقول خلك عل بـــورش احسن … بعدين وين الي بيحوطني فيه ؟ ياعني لازم تباني افضحك جدام الله و خلقه ؟ ياخي ما يسوى علينا …. هههههههه

    PEACE

    انا للحين اتريا…..بعده دوري ما وصل:wwerd5:

  3. انا اقول خلك عل بـــورش احسن … بعدين وين الي بيحوطني فيه ؟ ياعني لازم تباني افضحك جدام الله و خلقه ؟ ياخي ما يسوى علينا …. هههههههه

    —————————–

    بالنسبه لل مرسدس اس كلاس … ترى سعره هني اغلى بوايد … الوالد شاري أس 350 فل ابشن .. بس مش فل فل .. يعني مافيه كاميرا ولا Distronic … الرينقات هم اللي لل 500 … و بس … بعد ضرابه .. و واسطات …. هاا هاا يالله يالله 370,000 …… ف انا اقول … جرب انته الوارد … و خبرنا عن تجربتك … هههههه نستفيد منك ياخي … يمكن المره اليايه ناخذ وارد … او اذا انته توهقت ما ناخذ .. هههههه

    PEACE

  4. او كيه ما اختلفنا في الفرق انا اتكلم عن المواصفات

    يوم الواحد يدور سيارة المفروض يشوف مواصفات احسن او نفس المواصفات المتوفرة في البلاد صح ولالا

    وبعدين يشوف السعر

    او يطلب سيارة مش متوفرة في البلد , مب يروح يشتري سيارة مواصفات اقل اكيد بتكون ارخص شو بتكون يعني

    قالو: وين اذنك يا جحا , قال : هذي اذني .

    البلاد في نعمه مب قاصرها شي والمعارض والوكالات الله يزيهن مب مقصرين في حق حد امتيازات ولا احسن

    القصد انه الواحد لارزم ما يخلي نفسه فريسه لغيرة ويخلي كل من هب ودب ينهش في لحمه

    ومنتدانا والحمد لله من احسن المنتديات فيه كل ما لذ وطاب وفيه ناس مشاء الله عليهم يوفرولك البضاعه بطريقه تحفض حقوق الغير ( الطرف الاخر )

    خلك ذيب لا تاكلك الذياب

    ودمتم:hhftj:

Comments are closed.