السلام عليكم ورحمة الله وبركاته
اخواني اعضاء المنتدى العزيز
هل من احد يعلمنا كيف تشتري عن طريق الـ ebay.com
او عن طريقة الشراء من الانترنت
كيف اقدر افتح حساب ؟؟ سمعت انه فيه بنك داخل الدوله يوفر لك الحساب على النت مع صندوق بريد في امريكا!!
شو المواقع التجارية الاكثر امااان؟؟
شو حكم الشريعة في طريقة التعامل التجاري على النت؟؟
شو سعر وطريقة الشحن ال الدوله؟؟
وشو….وشو…..؟؟؟؟
يعني حبيت من الاخوة اصحاب الخبرة يكون لهم الفضل في نشر هذا العلم والاسلوب في هذا المنتدى الغالي 
والا شو الراي مع اني دوم ادخل مثل هذي المواقع واشوف عروض رهيبة واقول ودي بس اليد قصير ………
والسموحة منكم يا اخوان
مرحبا
اول شي تسجل في موقع الاي بي حاله حال الايميل الفرق انك تحط رقم الفيزا ( انا افضل بعد ماتسجل في موقع الاي بي تسجل في paypal موقع أمن 100% والسكيور فيه عالي جدا و يوفر عليك الوقت في حالة شراءك لاي بضاعة مايحتاي تدخل رقم الفيزا ولاشي فقط ايميلك ورقمك السري وخلاص تم الشراء يوصلك مسج ,, ثانيا يوم تباتشتري اي شي من الاي بي اول شيك على feedback history للبائع لان هالشي مهم للغاية ويعطيك انطباع كل اللي تعاملو معاه ,بالاضافة تشيك على التأمين الخاص بالبائع اذا كان 2000 دولار اوكيه طبعا هذا في حالة لشراء سلعة 4000 دولار واقل ,,, ثالثا اذا السلعة عجبتك عندك اختيارين تدخل المزايده وتابع لين ترسا عليك في اكثر الحالات المدة تكون اسبوع او اسبوعين او ممكن تنهي المزايدة اذا حسيت السعر المعروض لنهاية المزايدة من قبل البائع مناسب لك ,,لكن قبل تدخل المزايدة استفسر من البائع بخصوص تكلفة الشحن الاكسبريس (السريع) وانتبه لاتتعامل الا بالبريد السريع في اغلب الاحيان ييكلف من 70 الى 95 دولار طبعا اغلب او الاكثرية اللي في موقع الاي بي يتعاملون مع usps البريد الامريكي يعني بيطرشولك السلعة اكسبريس عن طريق البريد الامريكي ,,والبريد الامريكي يتعامل مع شركة ups للشحن معرفة فالامارات اذا انت من بوظبي لهم فرع في شارع المطار يعني لاتصدع عمرك فالارمكس ولاشي .
واي استفسار انا حاضر
الله يعطيكم العافية ويباركم فيكم يا اخوان انش اء اللع باكر بسير بوظبي الوطني وارامكس وبستفسر عندهم وبردلكم بالنتيجة….
اخويه لازم تكون عندك بطاقة فيزا من اي بنك
او تلقى بطاقة فيزا عند ابوظبي الوطني مدفوعه , نفس نظام الاتصالة ببطاقة واصل ,, انت تحط فيها فلوس
اما عن البريد تروح الارامكس وتفتح بريد خاص بك في امريكا عن طريق الارامكس
وبعدين يوم تبا تشتري شي تحط رقم صندوق البريد الخاص بك في امريكا ويوصلونه الارامكس لك لين بيتك في الامارات
استفسر عند الارامكس وبيفيدون اكثر
والسمووووووووووووووووووووحة على القصور
يا اخوي
اذا حبيت تشتري عن طريق الاي بي اول شي خل بطاقة الفيزا الخاصة لمشتريات الانترنت جاهزة
وسجل بياناتك عندهم . والامور طيبة . انا طلبت اشياء كثيرة عن طريق النت
بس اهم شي انك تطلب اشياء اللي يمكن شحنها للامارات , يعني اتكون من ضمن النطاق الجغرافي . لان في شركات حدها امريكا او اوروبا فقط ..
واذا حبيت امان اكثر اشترك في بي بال http://www.paypal.com
واشترك عندهم وعطهم رقم بطاقة الفيزا . وبترتاح وااااااااااااااااااايد
تحياتي
وينك الفاهمين شكله ماحد فاهم في هالشغلات