سلالام عليكم يا جماعه وبصراحه منتداكم بكل صراحه وبلا اي مجامله قمه في الروعه والتميز ..
السموحه ما بخذ من وقتكم وايد لأن وقتكم من ذهب .. ونصيحتكم لي بعد من ذهب .. المهم انا مستثمر يديد وبخاطري ايمع لي كمين فلس للمستقبل .. انا بصراحه عندي راس مال بس مب ذاك الزود يعني اقل عن 25الف . بشوي .. بشو تنصحوني يا جماعه الخير.. وشو اشتري من الأسهم ويعني من هل السوالف ولكم الأجر انشاء الله .. لأنه هل الزمن اذا ماكنت ذيب اكلتك الذئاب ..ولا تقصرون بالرد .. وحياكم الله
:vb_comean
تسلم يا بوسلطان ما قصرت بالنصيحه بس يعني اصبر للصيف ولا زود .. وانشاء الله نستفيد من نصايحك اكثر واكثر
ولا تقطعنا ولا تبخل علينا بالرد ..
خلك دوم ويانا وانتي خوي احيين ودوم انشاء الله
أخوي خالد…
لا مب شرط الصيف… مثلا… تابع الاسهم (بس غض النظر عن الاسهم الحرام مثل البنوك عدا بنك دبي الاسلامي و بوظبي الاسلامي و الشارقة الاسلامي و من التأمين شركة أمان) و الشركات القوية طبعا و لا تنسى انك اتابع المنتدى بشكل يومي ولو ربع ساعة في اليوم عسب تاخذ التحليلات
المهم شوف الاسهم اللي تكون نزلت نزول قوي هني ادخل فيها… بس الأهم انك تكون زاهب انك تشتري أي وقت نزول قوي لأنه كل ثانية في السوق ذهبية… السموحة اذا دوّخت راسك بالكلام… بس صدقني من مصلحتك انك ما تشتري سهم بسعر عالي و تتعلق فيه شهور
بالتوفيق و حاضرين أي وقت
نسيت اضيفلك كم شركة بعد في سوق دبي… مثل:
الاتحاد العقارية… العربية للانشاءات
يا مرحبا بك أخ خالد في المنتدى,
بس لو كان رأس مالك أكثر شوية كنت بنصحك اتوزع المبلغ على أكثر من شركة بس ما عليك خطوة خطوة بتوصل لمنياك.
الشركات المطروحة من الاخوان جيدة و مقبلة على ارتفاع باذن الله و هي اعمار, دبي الاسلامي, العربية للانشاءات. اتوكل و اختر من هذه الشركات و بتكون ربحان ان شاء الله.
أتمنى لك التوفيق من كل قلبي …
لاتفوتك العربيه ستراها باذن الله فوووووووووووووووق والراي لك اولا واخيرا
تسلم يا بوسلطان ما قصرت بالنصيحه بس يعني اصبر للصيف ولا زود .. وانشاء الله نستفيد من نصايحك اكثر واكثر
ولا تقطعنا ولا تبخل علينا بالرد ..
خلك دوم ويانا وانتي خوي احيين ودوم انشاء الله
مرحبا فيك أخوي خالد
أهم شي انك ما تدش في وقت الاسعار ارتفعت وايد و عسب ما تتعلق… و دام انك مستثمر بقولك كم سهم و ان شاء الله عقب كم شهر تتدبل فلوسك
اعمار
دبي الاسلامي
دبي للاستثمار
الأخوان ما بيقصرون و ان شاء الله بينصحونك في كم سهم… المهم لا تتسرع و تدش وقت السوق مرتفع وايد و ادخل وقت التصحيح
و الله يوفقك