سلالام عليكم يا جماعه وبصراحه منتداكم بكل صراحه وبلا اي مجامله قمه في الروعه والتميز ..
السموحه ما بخذ من وقتكم وايد لأن وقتكم من ذهب .. ونصيحتكم لي بعد من ذهب .. المهم انا مستثمر يديد وبخاطري ايمع لي كمين فلس للمستقبل .. انا بصراحه عندي راس مال بس مب ذاك الزود يعني اقل عن 25الف . بشوي .. بشو تنصحوني يا جماعه الخير.. وشو اشتري من الأسهم ويعني من هل السوالف ولكم الأجر انشاء الله .. لأنه هل الزمن اذا ماكنت ذيب اكلتك الذئاب ..ولا تقصرون بالرد .. وحياكم الله
:vb_comean
افا عليك بولوليد .. الحين دشيت وشفت طلبك والاخوان ما قصروا كفووا ووفوا
المبلغ اللي عندك 25000
والشركات اللي طرحوها الاخوان ما عليها كلام .. بس لو كنت مكانك
خذلك 1000 سهم املاك
خذلك 1000 سهم العربيه او 100 سهم الاتصالات
خذلك 100 سهم بنك دبي الاسلامي او 500 سهم اعمار
واذا بغيت اشتر بالمبلغ كله اعمار او دبي الاسلامي او الاتصالات
هذا راي شخصي لانك اعتقد مبتدي وهب مضارب وعن حد يقولك ضارب فيهن ويغريك … الامن ذوي اشخاص خبره وثقه
وان شاء الله بعد 6 شهور بتحصل ربح جيد فيهن
والله يوفقك
238 زائر .. ماشاء الله .. واللي ردوا وماقصروا ع الأصابع ؟؟؟!!!!
وما علي زوود في الكلام … ؟؟
خلاص يسلم اللي شاف الموضوع وما رد … واللي رد .. على هل الخشم
اخوكم
أخوي خالد…
لا مب شرط الصيف… مثلا… تابع الاسهم (بس غض النظر عن الاسهم الحرام مثل البنوك عدا بنك دبي الاسلامي و بوظبي الاسلامي و الشارقة الاسلامي و من التأمين شركة أمان) و الشركات القوية طبعا و لا تنسى انك اتابع المنتدى بشكل يومي ولو ربع ساعة في اليوم عسب تاخذ التحليلات
المهم شوف الاسهم اللي تكون نزلت نزول قوي هني ادخل فيها… بس الأهم انك تكون زاهب انك تشتري أي وقت نزول قوي لأنه كل ثانية في السوق ذهبية… السموحة اذا دوّخت راسك بالكلام… بس صدقني من مصلحتك انك ما تشتري سهم بسعر عالي و تتعلق فيه شهور
بالتوفيق و حاضرين أي وقت
نسيت اضيفلك كم شركة بعد في سوق دبي… مثل:
لاتحاد العقارية… العربية للانشاءات
بصراحه يا بوسلطان كفيت ووفيت ..وخذ راحتك بالكلام انا هني عسب آخذ بنصيحتك ونصيحة الشباب والله ما يقصرون .. لأن يد وحده ما تصفق .. راسلني ع الخاص وقولي شو هي اكثر الشركات اللي يمكن تنزل .. لأن كل ربعي يقولون لي اتريا الصيف والصيف وانا بصراحه في الصيف يمكن اسافر ..
والسموحه
اخوكم
يا مرحبا بك أخ خالد في المنتدى,
بس لو كان رأس مالك أكثر شوية كنت بنصحك اتوزع المبلغ على أكثر من شركة بس ما عليك خطوة خطوة بتوصل لمنياك.
الشركات المطروحة من الاخوان جيدة و مقبلة على ارتفاع باذن الله و هي اعمار, دبي الاسلامي, العربية للانشاءات. اتوكل و اختر من هذه الشركات و بتكون ربحان ان شاء الله.
أتمنى لك التوفيق من كل قلبي …
شكرا ع النصيحه اخوي .. بس اذا ممكن تراسلني ع الخاص وتخبرني شو هو انسب وقت ناخذ السهم وانشاء الله ناخذ بنصيحتك ..
والسموحه
اخوكم
لاتفوتك العربيه ستراها باذن الله فوووووووووووووووق والراي لك اولا واخيرا
والله انك ذيب … بس متى الوقت المناسب اني اشتري السهم وثاني شي ممكن اعرف مستقبل السهم يعني لكم بيوصل في المستقبل ..
والسموحه
اخوكم خالد