السلام عليكم
اهالي العين وبعد اعضاء المنتدى جميعا ابا فزعتكم ، عندي مشكله
من فترة تقريبا شهرين قريت موضوع في المنتدى عن عصا فزاع بشعار الدوله وبعد اسم الجبيله
الموضوع باسم بو راشد .
بغيت اطلب هذي العصى هديه لواحد عدنا في الدوام كذكرى من الوزارة بيقدمونها له عسب انه خلاص
بيتقاعد وكلمت المسؤولين وشافوا انه العصى شكلها حلو وقالولي خلاص اطلبيها.
وبما اني بعيد عن العين والمشوار صعب عليه ، اتبرع واحد من الاهل يشتغل في بوظبي راح العين وسوالي طلبيه ودفع البيزات وخلاص على اساس انه في وايد وقت جدامه شهرين تقريبا.
المهم الحين ما باقي عن تقديمها الا 3 ايام وكل ما نتصل في بو راشد تيلفونه مغلق والمحل محد يرد وفي الورشه قالوا حق الريال اللي من الاهل انه بوراشد ما خبرنا نسوي طلبيه.
هذي ورطه عوده الصراحه انا ماب عارفه شو اسوي كله في ويهي انا، و هم في الوزاره ما احسبوا حسابهم انهم يشترون من الاول شئ ثاني .
الله لا يهينكم اللي يعرف بو راشد او يعرف اي شئ عن هذا المعرض يساعدني لاني صدق مهمومه وما اريد حد يلومني , انا ماب عافه وين اودي ويهي من القايمين على تنظيم المناسبات كل يوم يسألوني .
بليييييييز اللي بيساعدني يزاه الله الف خير
يمكن الريال في عمان وبيرجع ..
او صار له ظرف..
او او او الله اعلم..
help me
اخوان شما اللي ردوا عليه وبغوا يساعدوني ادري انكم ما بتقصرون بس المشكله اني ماب لاقيه عنوانهم في العين
لانه محولين البيزات عن طريق الانصاري ومكلمين بو راشد عن طريق التيلفون وهذا رقمه
8171884 50 ورقم المحل 7640098 03
والحين كله مغلق والمحل ما يردووووووووووون قاهريني والله.
كنت كاتبه العنوان بس الحين ما اعرف وينه لاني اطمنت انه كل شئ اوكي هو طالب عربون ونحن دفعنا كامل وبعدين كان في وايد وقت اكثر عن شهرين قالنا بس نتريا الصايغ بيرجع عقب اسبوعين من الاجازه وبيبتدي الشغل والمفروض يخلصها على 15 12 والحين نحن داخلين على نهاية يناير
والله مصخره شو هذي المعامله.
كان الله في العون والله , كحل سريع بتقدري تطلبي من الاخ دار زايد انو تاخدي العصا ماله وتقدميها , وبعدين بتحاولي تشتري وحدة تانية للاخ دار زايد , وهي عنوان ملف دار زايد بس للاسف الظاهر انو مطرود من المنتدى