السلام عليكم ورحمة الله وبركااته ،،

شحاالكم علوومكم ،، شو مسويين

جمعه مباركه تنهل علينا وعليكم بالبركات ،< اللهم امين

——–

يا جماعة الخير هالموضوع من زمان ودي اناقش فيه ،، وللاسف يزيد يوم عن يووم ..

بس من سرت امس قلت خلاص الا انزل الموضوع بااجر ،،

يا جماعه ما تلاحظون الفستفال سيتي منطقه للاشكال الغريبه والي ما عندهم رقابه ،،

تلقون بنات والعياذ بالله اشكال مقرفه ،، لابسه تنوره لين فووق الركب والقميص كت والظهر كله طاالع وبكل ثقه تتمشى البنت ،،
انا ما اتكلم عن بنت وحده ،، اتكلم عن مجمووعه كبيره شفتهاااا ،،

ولا تشوف وحده مرصصه من فوق لين تحت و جتوفها شوي بطيييح من السلاسل ،،

والاولاد وما ادرااك ما الاولاد .. اشكال فظييييييعه ،، الي منتحلين جماعة الايموو ،، والمياعه << اكرمكم الله
والي مسوين مجمووعه ويالسين يرقصوون ،،

واليهال الي اعمارهم 12 ، 13 كل وااحد شال له جقااره ويالس يدوووخ ما تعرف الدخان من وين يطلع من عيونه ولا من اذنه من كثر الدخاان ،،

ولا اتشوف لك واحد ويا ربيعته ،، ولا تشوف شله بناات ويااهم وااحد ،، ولا شله شباب وياهم وحده ،،

وتعال نعال برع صووب الالعاب << طااامه عظمى
خااصه عن لعبة المشخله ،، انواع الصريخ والبنات يدلعون والشباب كل وااحد فااج حلجه
والمشخله نفسها خلط في خلط كل وااحد عدال واحده وو عااايبنهم الوضع ،،،

و ورى منطقه الالعاب شي منطقه باركنات السيارات ،، ارض كبيره ومظلمه ،، وفي كل صووب شله ،،
الصرااحه على هاي المناااظر ما نستبعد انهم يتبادلون المخدرات في هاي التجمعات خاصه المناطق المظلمه او شي ثاني والعياذ بالله ،،
ما بقدر اوصف لكم الشي بس الي شاايفنه يفهم قصدي ،،

حتى الوااحد يستحي ياخذ اهله ويتمشى وياهم في هالموول بالذااااااااااات ..
اصلا شو موقف بنتك الصغيره لي شاافت هالفئه من البنااات
ولا ولدك شااف هالفئه من الشبااب ،،

يلا ننتظر ملاحظاتكم ونقااشكم ،

رجااااااءا يا اخوان ،، لا تتكلمون عن الجنسيات .. لان شي الصالح والطاالح

19 thoughts on “الفستفال سيتي ،، والاشكال الغريبه ،،،”

  1. والله يا خوي صدقت،،أنا أتذكر كنت لما أروح الفيستفال سيتي من ما يقارب السنة كان المول هادي ولا أحلى ولا أروع منه، ولكن ياخوك من يوم ما إفتتحوا السينما تعال وشوف الأشكال الغريبة، صدج أشكال وموديلات عجيبة، والله أستغرب إشلون الأهالي مخليين أولادهم إللي أعمارهم ما بين 13 وال 17 سنة طايحيين بلا رقابة والمصيبة الأكبر طريقة لبسهم من الفئتين الشباب والبنات….وأحلى شي الشباب!!! موديلات الشعر وال تي شيرت والجوتي الوردي والبنطلون إللي طايح!! والبنات (حدث ولا حرج) الله يهديني ويهدي الأمة الإسلامية..اللهما أمين..

    بالفعل من بعد افتتاح السينما ومنطقه الالعاب صاار العجب في الدنيا ،،

    وصدقت يا اخوي قبل يوم اتكون ملاان ولايعه جبدك من زحمة الدنيا وتبا اتصفي ذهنك كنت اتسير الفستفال ،، الحين لا لو تبا اتعكر مزااجك سير هنااك ،،

  2. لو يسون مثل الامارات مول ويحطون التعليمات على المداخل ويكون كنوع من التحذير ويكثفون من المراقبة والنخالفات

  3. سبق وتناقشنا عن هالموضوع … وان رمسنا وزدنا وعدنا مابينفع
    كل واحد راضي بعمره !

    حياك الغالي ،،
    اسمحلي بس ما اعرف ان شي موضوع عن ها الشي ،،

    دمت بود

  4. والله يا خوي صدقت،،أنا أتذكر كنت لما أروح الفيستفال سيتي من ما يقارب السنة كان المول هادي ولا أحلى ولا أروع منه، ولكن ياخوك من يوم ما إفتتحوا السينما تعال وشوف الأشكال الغريبة، صدج أشكال وموديلات عجيبة، والله أستغرب إشلون الأهالي مخليين أولادهم إللي أعمارهم ما بين 13 وال 17 سنة طايحيين بلا رقابة والمصيبة الأكبر طريقة لبسهم من الفئتين الشباب والبنات….وأحلى شي الشباب!!! موديلات الشعر وال تي شيرت والجوتي الوردي والبنطلون إللي طايح!! والبنات (حدث ولا حرج) الله يهديني ويهدي الأمة الإسلامية..اللهما أمين..

Comments are closed.