السلام عليكم ورحمة الله وبركاتة
الفطيم للسيارات الوكالة المعتمدة لدى الدولة في الامارات معاملتهم للزبون كأنة شحات يبقى منهم شي هنود لافيهم تقدير ولا احترام تضاربهم مضرابه لين ما يستلموا منك السيارة واذا استلموها احمد ربك ولاتتكلم وايد لانهم يقولون ——– خلاص راس مال انا خربان ————- واسعارهم غالية مقارنة بالوكالات الاخرى بريك كامري سفايف وخراطة درامات 1020 درهم ياريت جابر عبيد يعرف الموضوع ويحطة بث مباشر لا والادهى من ذلك اذا ماتعمل السرفس الضمان راح عليك كم السرفس 1000 درهم شويت اصلاحات تطلع من الوكالة 3000 درهم .
118 thoughts on “الفطيم للسيارات اسواء معاملة واغلى سعر”
Comments are closed.
على طاري خدمة الفطيم، أذكر قبل كم سنه كان عندنا لكزس ستيشن وكانت فيه مشكله في القفل المركزي وشوية مشاكل بسيطه، الفطيم عطونا مبلغ تقريبي للشغل الي بيحتاجه الموتر قالولنا وبالدسكاونت من المدير 8500، ودينا الموتر عند بهوان الي هو دينا تريد والله العظيم سوولنا الي نباه وزياده ب900 حتى استحينا نقولهم عن الدسكاونت.
[size=”5″]كلامك صحيح ياخوي
لكن ماتوصل لدرجة انهم يسرقونا عيني عينك
يعني انا عندي افالون 2006 واعاني من الفرامل ومن ريحه كريهه في المكيف
ومن قراتي في بعض المنتديات اكتشفت اني مب الوحيد اللي اشتكي من هالشي
واشتكيت كذا مره من هالشي للوكاله ولكن لاحياة لمن تنادي في كل مره يكون الرد ان البريك ممتاز وانهم نظفوا الفلتر مال المكيف
واعتقد ان السياره اكبر من ان يكون عليها هالبريك الضعيف
قول المكيف يهون لان الريحه اول ماتشغله بس وعقب تختفي
ولكن البريك شي مهم وصدقني لو هالشكوى في بلاد ثانيه كنت بتلقى الوكيل ابنفسه يطلب تعديل العطل قبل لايعلن افلاسه من كثر اللي بيطالبونه بالتعويضات
الله المستعان
ندفع اكثر وناخذ أقل
وازيدكم من الشعر بيت
تمت زيادة اسعار الصيانه لجميع السيارات في وكالة الفطيم من تاريخ8/1/2008
شي مواقع الكترونية
واللي يعرف انجليش يستلمهم بالإيميل عالأقل
بحكم التجربة
مافي مثل وكالة ال Bmw أحلى تعامل
ما عدا واحد مصري هناك والحمدلله نقلوه العين
سلام عليكم أخواني ……
بعض نقاط انشاء الله تفيد الأخوان :
1- خذ موعد من عند الحبايب (الفطيم) للتشيك
2- شيك 5000 km داخل الوكالة و 5000 km الي بعدها خارج الوكالة
3- اطلب منهم وضع جميع قطع الغيار المبدل على ضمان او لا بدبة سيارة لتأكد