بسم الله الرحمن الرحيم
السلام عليكم ورحمة الله وبركاته..
اعزائي اعضاء هذا المنتدى الطيب..
لو سمحتوا يامراقبين الموقع لاتحذفون موضوعي لأني احس اني انسان مظلوم والشكوى لغير الله مذله..ولو تشوفون في موضوعي اي غلط احذفوا الموضوع وانا مب زعلان..
انا واحد من الي انقص عليهم وحجزوا الـ FJ طبعاً هدفي من إنشاء هذا الموضوع اني احصي الحالات الي صار معاها هل شي..
اول شي انا حاجز سيارة FJ اللون ابيض من تاريخ 8/3/2008 في بوظبي والبايع الي حجزت عنده قالي نحن نعطيك فتره طويله ونقولك 3 اشهر لين ماتوصل السياره لين هني وانا صدقته وقالي انها مابتاخذ اكثر عن شهرين وان كثرت كثير شهرين بالضبط المهم بنقول انهم عادلين بالموضوع ولكن للأسف بعد بحث وتعميق وحفر الخ الخ..اول شي قبل ما اقول اي شي بالبركه على اخوي وربيعي وولد عمي وربيع ولد عمي الي حجزوا بعدي السياره بشهر وحصلوها بفترة شهر ونص تقريباً ويعطيهم خيرها ويكفيهم شرها يارب..اخوي ياجماعة الخير فاجأني بإتصاله يقولي حمدان سيارتي وصلت وبروح استلمها قلتلها كيف ياخوي اكيد انا معاك وصلت بس نسوا يتصلوا بي وبالفعل رحت ويا بو نهيان واستلم سيارته وانا تفاجئت يوم اسأل عن حجزي يقولولي والله انته في قائمة الإنتظار وما ندري متى سيارتك توصل شهر شهرين المهم..
الشباب حجزوا سياراتهم وبنفس اللون بس لون واحد يختلف وهو اللون الرصاصي اما الباقي ابيض..
سرت عند المدير الي موجود في الفرع وماراح اذكر اسم الريال الي حجزت عنده والمدير عشان ماتقولون ممنوع وتشويه لسمعتهم بس انا ريال مظلوم دخلت عند الريال مدير المبيعات قبل شهر بالضبط طبعاً اسلوب المدير يدل على انه انسان غير لبق في الكلام مشيناها له هل مره واتعوذنا من ابليس قالي قبل نهاية 5 تعال عندي وفالك طيب..سرت عند الريال اليوم والله ياجماعة الخير و الله على ما اقول شهيد اني من دخلت عنده حتى السلام يرده بدون نفس يمأ يمأ براسه (فقط) ياخوي انا حاجز السياره الفلانيه .. بكل برود اعصاب والله ماعندنا سيارات ومافي اخبار عن استوك ياي لبعد 15 – 30 يوم يعني انتظر لين شهر7 – 8 البائع يقولي ان في دفعه بتوصل في بداية شهر 6 تناقض في الكلام المهم طرشني عند البايع والبايع ردني عليه وقلتله البايع ردني عليك وعطني حل دوختوني انا بشتري ببيزاتي ليه انذل يقولي وش اسويلك يعني انا مالي خص في الحجز ولا اتدخل في المواضيع هذي وروح خذ فلوسك ماشي سياير وبرايك منك للبايع عاد لو شفتوا الأسلوب الي يكلمني به تقول الريال يوزع سيارات من عنده ولا من ماله المهم خذتني الحميه وهزبته هزاب وغسلت شراعه وعلمته الأدب وللأسف يا اخواني في هذا الملتقى الطيب انا ما افتخر اني ارد عليه بهل اسلوب لأننا تعودنا نرد الإساءه بإحسان بس في ناس ماينفع معاها الا الصوت العالي والزعيق بس خذتني الحميه اكثر يوم شفته يعامل واحد من الشباب الي يالسين عنده بهل اسلوب يعني يقوله الريال قدامي اخوي ماخذ لكزس ومعطينه معاها شي المهم من اجزاء الحديد .. وانا ماعطيتوني مثله ليش رد عليه وقاله بنييبلك 2 طن حديد تخيلوا الرد الوقح وازيدكم من الشعر بيت بعد بحث للأسف على قولتهم ناس حاجزين من شهر 2 وللحين ماوصلت السياره ياجماعة الخير انا ابى اعرف هل هي لعبه من الوكيل نفسه بإحتفاظه بالسيارات لبيعها فيما بعد لرفع قيمة السياره اما شو السبب يعني لو قلنا لكزس استيشن بتلقونها متوفره بس يبالها *واو* وامورك مسلكه وماشيه
متى ببيي اليوم الي بينتهي فيه الإحتكار من قبل وكلاء السيارات ونلقى مليون الف وكيل للسيارات
ياجماعة للتنويه فقط السيارات الي خذوها الشباب ما كان حاجزنها حد وماخذها والدفعه الي يت فيها سيارة اخوي كنت انا فيها بس سيارتي (تفبركت)
نقطه نسيت اوضحها وحبيت اضيفها عن طريق التعديل يوم سألتهم عن سبب وصول سيارات الشباب قبلي قالولي والله يمكن حد حاجز السياره وماخذها والمشكله كل واحد منهم يسألهم قبل ما استلم السياره هل كان في حد حاجزنها ورفض ياخذها يقولولهم لا ونفس الشي يوم واجهت البايع والله سيارة ولد عمك وصلت في الدفعه من الباخره طبعاً هم حاجزين عند ريال غير عن الي حاجز عنده ماعطوني سبب ولا حاولوا يقنعوني حتى او يعطوني تبرير
ياجماعة الخير هذي دعوه مني لكل من تعرض لمثل موقفي اننا نقوم بشكوى جماعيه بإتصالنا بحماية المستهلك او وزارة الإقتصاد يوم الأحد لنقوم بتقديم شكوانا للجهه المعنيه بالأمر وإن شاء الله يتخذون الإجراءات المناسبه ضدهم
والسموحه على الإطاله
انا حاجز سياره fj من شهر واحد ولين اليوم مافي خبر كل مااتصل نفس الكلام بعده ماجا دورك وبعد كم شهر بتنزل سيارات 2009 يعني راحت علينا
إدارة الفطيم فااااااشل
و حصلت لكم موقع الشكاوي،، لازم تذكرون انكم من الامارات،، و يوم تزيد الشكاوي عليهم بتشوفون كيف يغيرون سياستهم.
Email Toyota
بالتوفيق
يا خواني هم يسوون جيه عشان الواحد يعطيهم دهان سير الحين طلعت موظه في الوكالات فيه ناس بلعمد يأخرون الحجز او يعطونه حق اللي يدفعلهم هذيلا ناس بايعين كرامتهم أي شي يسوونه يريدون منه درااااااااااااااااااااااااااااااااااااااااهم الله يصلحهم او يخلعهم خلع من مكانهم ااااااااااااااااااااااااامين لانهم افسدوا البلاد باستغلالهم وحبهم للمال وأدخلوا افكار هدامه للبلد
السالفة وما فيها,,,,,
خذ رقم الموظف ,,, وقردنه ,, يوم ولا يومين,,
وقوله انا شغال في المكان الفلاني,, يعني مكان مهم في المجتمع ,, واي شي تباه فالك طيب
وحاول تيييب لي السيارة خلال يومين ثلاثة,,
ولك حلاوة محترمة مني اول ما توصل السيارة
وعقب يومين ثلاثة بييب لك السيارة واستلم سيارتك وطقعله ولاترد على تلفونه
=================
هذا دواهم
طال عمرك ياخوي الفطيم محتكر التيوتا و اللكزس و وكالة أخرى أيضاً .. و هو الوكيل الوحيد في الدولة ..
المشكلة مب في الفطيم نفسه قصدي الريال راعي الحلال .. لا
المشكلة في إدارته الي هو حاطتنها .. هو وحليله بحسن نية سلم الإدارة لناس ربما طماعين و فيهم فساد إداري مثل ما يقولون .. يعني شكلهم يحطون شي في مخباهم .. و ربما لا .. “إن بعض الظن إثم”
و بالنسبة للفطيم و حجوزاتهم .. هم أصلاً مخربين على عمارهم .. لانهم يستخدمون طريقة “البيع عند الطلب” يعني يشوفون كم واحد يبا و بعدين يطرشون الطلبات .. و هذا الشي أنا اشوفه غلط .. و هالمشكلة موجوده أيضاً في اللكزس و البورش.
لو انهم إييبون كميات كبيره بيستفيدون من وراها أحسن عن ما غيرهم إييب من البريمي و يبيع ..
نحن عندنا معرض و الحمدلله بعنا أكثر من 40 Fj عالزيرو من البريمي .. يعني هذا و نحن معرض .. فما بالكم إلي رواحهم يروحون البريمي و ياخذون من هناك و لا عن طريق دعايات و دلاله ..؟
و بصراحه أنا اشوف انه مواتر تيوتا كلها كوبي بيست .. مواترهم الفورويل أكثر من 50% مكاينها نفس الشي .. الفرق في الشاصي و البدي .. حتى الأبشنات نفسها .. شو الفايده؟؟
و الحل الي انا اشوفه انه أي وكيل يستخدم هالاسلوب يتم مقاطعته .. لكن منو الي بيسمع الرمسه و لا منو بيساعد ..
في ناس بيسيرون و بيشترون بدون ما يهمهم كم دافعين و هم الي يخربون على المستهلك ..
الله المستعان ياخوي .. السوق هذه ما بتبرا لين ما يحررونها
السموحه