السلام عليكم
تووني اتصلت على وكاله الفطيم الشارجة قسم اللكزس وتخبرت عن الاستيشن لكزس اذا متوفر او لا
قالى كله في الحجز
وماشي سيارات الحين قلت في بلون ثاني غير الابيض قال لا ؟
الظاهر انهم يبون على قولة المصريين يلووا دراعنا
او انهم رجعوا كل السيارات الى اليابان والله ما ادري شو اللى صاير الاسبوع الى طاف كنا نقول متى توصل تحت ال300
والحين ماشي سيارات حتى في البهوان هل اتفقوا على هالشيء؟؟
واصحاب المعارض اذا وصلهم الخبر اكيد بيرفعون الاسعار مرة ثانية
الصبر زين تراه ,,,
ترا اللي يقول ان الأسعار طايحة في أمريكا اسمحولي على الكلمة
(ما يعرف في السوق)
الأسعاار يا جماعة في أمريكا مولعة والتجار مو قادرين يشترون بالأسعار قبل الأزمة لأن الناس في أمريكا صارو يشترون المستعمل أكثر من اليديد حتى يخبرني ربيعي أن الواحد منهم يي يشتري بدون ما يفحص السيارة بس قولي كم سعر السيارة وبس
الشي الثاني واللي كان له الأثر الكبير في سوق المستعمل أن المكسيك لغت قانون أن السيارة اللي عمرها أكثر من خمس سنوات ما تدخل فصاروا المكسيكان يغرفون السيارات غرف وهذا الشي اللي بيستوي عندنا لو العراق لغت قانون تحديد السنوات ما بتشوفون سيارة في الصناعية
المشكلة اللي مطيحة سوقنا أن التجار غرقوا السوق بالسيارات المغشوشة
الله المستعان
مشكوووووووور يا اخوي
والصراحة فيك خير
انا قلت يمكن احصلها بهالسعر
لاني قلت يمكن الاسعار طايحة
وبعد مرة قريت اعلان لسعود البكر عن لكزس بـ 140 الف
ما ادري عاد هو صادق ولا لا !!
الله يعين
السيناريو اللي بيحصل والله أعلم كالتالي:
– كعادة كل سنة ( حتى قبل الأزمة، فما بالك بعدها)، شهر ثمانية (شهر رمضان) عروض خاصة على السيارات من جميع الوكلاء لتصريف الستوك
-نظراً لالتزام الوكيل بكوتا معينة (عدد معين) من السيارات من المصنع، موديلات 2010 تأتي للسوق، ولكن قد تكون على أعداد أقل، أو تقوم حيل نفسية من الوكيل كضرورة القيام بالحجز والعربون أو بث اشاعات عن الاقبال العالي من المستهلكين نظرا لانتهاء المقاطعة (الشباب ملوا) حتى تبرر الأسعار الغالية…
– يعني شهر تسعة تنزل موديلات 2010 بأسعار أعلى من موديلات 2009 بنسبة 5 -10%
– وبالمقابل، نزول حاد و عروض ترويجية مذهلة لأسعار موديلات 2008 و 2009 المكودة عند الوكلاء (تصريف عام)
فانصح أخواني و أخواتي بالصبر والوحدة، فالذيب لا ينال إلا الغنم الشارد…..