الفلوس والنفوس
في زمان المظاهر كل شي بالفلوس
عالخريطه مقامك بالدراهم يقاس
ابذل انفق ريا تكسب كثير النفوس
سيرتك من ذهب لو معدنك من نحاس
شرع الباب والعالم لكفك تبوس
وان تواضعت فاخفض للقبل منك راس
وارق فوق المنابر يالسنافي ودوس
في رضاك المبادي والمشاعر تداس
كلما قلت كلمه هزت الناس روس
إيه زدنا بيانك مطيره للنعاس
سحر لفظك حكم قصره وطوله دروس
يحفظك خالقك للخلق من كل باس
انصب بكل دربٍ للجبايه مكوس
دام هالأرض من عسجد وفضه وماس
والسما كلما تمطر حصدنا فلوس
مابقى للحطب عند افقر الناس فاس
علي الحسني
ما شاء الله
غلطان اللي يقول فيه أزمة مالية
ياحليلك يآآنه حاطه فلوسك تحت المخده
صور رائعه
وانا اطالع الصور تميت اتخيل واقول
يا ترى
شو بتصور لنا المره اليايه ؟؟؟
الله يستر
خخخخخخخخخخخخخ
تصوير حلو
والبيزات احلى واحلى
ورديهم الخزنة بسرعه قبل لا تنضربين
خخخخخخخخخخخخخخخخخ
تصوير حلو خاصة الريالات..
ذكرتيني يوم كنت صغير.. وايد كنت استانس يوم احصل ريالات في الرمل..جاني محصل كنز..
بعد ما تخلصين التصوير طرشي نيطان بو ألف على حسابي…