السلام عليكم
طبعا الموضوع مفتوح للجميع ألا وهو عن القهوة الإماراتية طيبة المذاق ذات طعم راااائع
وطبعا من عاداتنا وتقاليدنا انه نستقبل الضيف بالقهوة طيبة المذاق، برائحة الهيل الرائعة
الموضوع بكبره
في مكتبي الهندي يسوي دائما القهوة ، لكن ما يعرف يعدلها
وكل ما حد يجي للمكتب يقلي قهوتكم مب طيبه للأسف 
بس نحاول نعدل طعمها بالتمر او رطب
إضريت أني كل يوم صبح انا اسوي القهوة بإيدي افضل من الهندي والحمد لله صار زوار مكتبي يتشكرون ويبون يتعلمون الطريقه ومين الشخص اللي مسويها 
اريد أن أرى بعض الطرق من العضوات التي تعمل وتسوي القهوة بيدها. والكل يمدح بقهوتنا
خلنا انشوف ونجرب على زوار اللي يجون عندنا وكل تجربه بخربكم بنتائجها
يالا يا بنات شدوا الهمة ووروني شو افضل قهوة واطيب قهوة عندكم
يا محتوي حسنات لخصال
أطـبـاع واسـلـوك لطيـفـه
قم سو لـي م البـن فنيـال
وضيف الذي تبغي تضيفه
يا نور عيني مالـك أمثـال
و لا لـي أنـا دونـك نكيفـه
روياك تفرج ضيقـة البـال
وبسمـة ثنـايـاك الخفيـفـه
السلام عليكم
الطريقة اللى اتبعها فى القهوة
انى اغلى لتر ونصف ماء انتظر حتى تغلى الما وبعدها احط من 4-5 ملاعق قهوة مطحونة فاتحة اللون ماحبها غامق
بعد انها تغلى ارفعها عن النار واضيف اليها الهيل المطحون خشن واتركها تغلى غلوة ثم ارفعها عن النار
وبعدها اتركها الين تهدأ شوى اكون حضرت ابريق التقديم وحطيت فيه من اول حب هيل مطحون واسكب القهوة وبعدها يجي دور التقديم
وبالعافيه
طبعا لاننسى كاسة الماء البعض يحط تمر
اعذرينى كتابة مستعجلة
والشى بالشى يذكر وهذى قصيدة اخترتها للشاعر الفارس راكان بن حثلين العجمي
التي قال فيها
يا محلا الفنجـال مـع سيحـه البـال
في مجلـس مـا فيـه نفـس ثقيلـه
هـذ ولـد عـم وهـذ ولـد خــال
وهـذا رفيـق مـا نــدور بديـلـه
ياليـت رجــال يـبـدل بـرجـال
و ياليت في بـدلا الرجاجيـل حيلـه
يا بو هلا طير الهـولا خبّـث البـال
طبعـه خبيـث والحبـاري قليـلـه
يا الله يا للي طالبـه مـا بعـد قـال
يا اللي من الضيقـات ينجـي دخيلـه
افرج لمـن قلبـه غـدا فيـه ولـوال
والنـوم مـا جـا عينـه الا قليـلـه
لامن ذطرت رموس عصر لنـا زال
شوف الفيـاض وفقـد عـز القبيلـه
يـا زيـن شدتهـم اذا روح الـمـال
يتلـون بــراق تــلالا مخيـلـه
يتلون بـراق سمـر يشعـل اشعـال
تلقا التريبـي فايـض عقـب سيلـه
يسقي خصيفا والثمان ارضهـا سـال
مرتـع معطـره السيـوف الصقيلـه
من جـو ساقـان الا السيـف همـال
وينـوش حسنـا والرديفـه هميـلـه
فإن قادنـا مـن يمـه القفـر خيـال
يصبح شـدش البـدو عجـل رحيلـه
قاد السلف واستجنبـوا كـل مشـوال
وبالقصر يـا محـلا تخبـط مزيلـه
فإن شرف البادي على روش الاقـذال
والمال كثر الـزوال مخمـي جفيلـه
تلامحت مـا بينهـم شهـب الاذيـال
ومن ضيـع المفتـاح واعزتـي لـه
وكبوا علـى طوعاتهـم كـل عيـال
كـل ابلـج يحـري بكـب الثقيـلـه
تغـازو بفـراغ ذربيـن الافـعـال
من قبل سبـق غارتـه تنشنـي لـه
يبغون طوعه روسهم حيـن الارمـال
تغـزو والخـلـق كثـيـر هجيـلـه
إن جا الحكي من دون عطرات الاجهال
مـرو ولحقـو مقحمـيـن الذبيـلـه
واللـي نثنـوا كلهـم تلبـس الشـال
ومـن صنـع دواد لبـوس ثقيـلـه
لـزم عليهـم علـه عقـب الانهـال
ومـن غارتـه لـزم يضيـع دليلـه
والدم من قحص المـك يثمـل اثمـال
يزعج علـى اوراك السبايـا وشيلـه
من وقع كل مقرنس قـد لـه افعـال
وفـروخ صـادن الحبـاري فضيلـه
تقبلى تحياتى اختى الكريمة
سلبتوووووووووووووووووو من عشااااااااااااااااااااااااق القهوة ^^
احب اسويها يوميا
ولكن يعتمد على البن نفسه .. هو اساس الطعم
الوالده الله يحفظها … تتصل بصديقها الصدوق الهندي راعي القهوة واتقوله قهوة سيلانية مقلاية ..
الخطوة الاولى .. اخذ قياس الدله ماااااااااي
اصبه في الغوري … واخليه يفور .. اول ما يفور الماي اخذ بقياس فنيال قهوة .. واحطه على الماي واخليها لمدة دقيقه على حسب ما انا ابغيها ..خفيفه او غليظه .. وبعد ما تخلص احط الغوري على ينب واحط 14 ملعقة شاي تقريبا هيل قناد .. في الدله واخلي القهوة تركد لمدة دقيقه تقريبا … وبعدين اصبها في الدلة …
هذي طريقتنا … بس حمستني اني اسويها واصور الخطواااااااااااااااات ^^
انا الصراحة ما احب القهوة ولا مرة جربت اسويها بس أحب ريحتها
نحن انسويها بالهيل والزعفران وماي ورد والطريقة على ما اعتقد كالتالي:
نحط ماي في الغوري ويوم يغلي انضيف عليه (قهوة و زعفران وهيل وماي ورد) ونخليه شوي وبعدين انصبه في الدلة
وبالعافية ^_^
يا مرحبا السااااع