السلام عليكم ورحمه الله وبركاته
مبروك للي شملتهم الزياده من افراد وضباط القوات المسلحه ..وتستاهلون الزياده ..والله يباركلم فهالزياده وما اضيع على غلا الاسعار…
بالنسبه للطلبه العسكرين اللي داخل الدوله ما شملتهم الزياده وقالوا مالهم اي زياده ؟؟؟ شو السالفه؟؟ راتبهم 6 الاف درهم فقط ؟؟ شو يسون في فموجه الغلاء اللي نعيشها حاليا؟!!!
ما اقدر اقول اللا الله يعينكم يا الطلبه العسكرين وخيرها فغيرها ان شاء الله
اما بخصوص الطلبه العسكرين خارج الدوله شملتهم الزياده واستلموا دبل رواتبهم؟؟
شو هالتخبط فتوزيع الرواتب والزيادات؟؟ استلموا 22500 درهم اما اللي فداخل الدوله 6 الاف درهم بس الراتب الاجمالي..
مع أن الطالب العسكري ماخذ دورات عسكريه ويدرس فجامعات الدوله وفالاخير بيرجع يداوم فالقوات المسلحه!!!!!!!!!
مبروكييين مره ثانيه على الزياده
الحمدالله رب العالمين
بس نسأل رب العالمين يبارك في الرواتب
وعلى فكره كل ما زاد الراتب زادت المسؤوليه ونتحاسب على شو نصرف
زين عندي سؤال
الي عنده عقد ايجار قديم على التخصيص القديم برتبة وكيل وبرتبة رقيب في مدينة العين
الحينه يغير العقد بلسعر الجديد للتخصيص وكم هيه زيادة المخصص للمستاجر ؟
وهل يجوز يرفع الايجار في نفس المكان ولا لازم يغير المكان
الله كريم إن شاء الله
الطلاب العسكرين داخل الدوله مالهم اي زياده!!!!! رواتبهم 6 الاف درهم بس والسكن والمصاريف كلها عليهم؟؟؟
هذا ظلم والله؟؟؟
الطالب العسكري اللي يدرس في جامعات بريطانيه كان راتبه 11 الف درهم وزادوه وصل 22500 ….هاي زياده معقوله على المصاريف اللي خارج الدوله
بس اللي داخل الدوله بس 6 الاف راتبهم الاجمالي؟
العامل الباكستاني فالجيش عقب الزياده اقل شي يستلم 6 الاف درهم ؟
يقارنون ولد البلاد اللي يدرس فالجامعه ووعسكري وماخذ دورات بيكون ضابط بعد التخرج من الجامعه يستلم نفس راتب الباكستاني.؟؟!!!! هذا ظلم والله
في حين ان الطلاب العسكرين في شرطه دبي داخل الدوله وصلت رواتبهم 11 الف درهم ؟؟عقب الزياده اللي كانت السنه الماضيه ..!!الله يزيدهم ان شاء الله
لا تحكمون في شوية لخبطه في المالية المفروض استلم 22000 نزلولي 14000 كلمتهم وقالول عطناء كم يوم