الكارثه الكبرى

19 thoughts on “الكارثه الكبرى”

1. مرحبا بشباب المنتدى
   يجزاكم الله خير عن الكل وعلى هذي المعلومات المفيده.واعتقد انه الصيانه الدوريه للطراد امر ضروري على الاقل كل ستة شهور وهذا فيه سلامتك ومحافظه على الطراد و يجنبك المشاكل المفاجئه في البحر.وارجع وقول انه السبب الرئيسي في هذي المشاكل هي نقص الخبره في امور وعلوم البحر بصفه عامه.وشكرا

2. هلا بالغالين .. حبيت اشارك واروي لكم قصه حدثت من كذا سنه ولاكن مهمه الا وهي خزانات البترول المصنوعه من الفيبر….
   في يوم من الايام طلعوا شباب لرحله بحريه وكان عددهم تقريبا 7 اشخاص اذا مب اكثر المهم نزلوا الطراد وهو بكامل تجهيزاته للرحله من ماي وبترول وعدة الصيد والاكل واللحف وعند تشغيله اشتغلت مكينه وحده والثانيه ماطاعت تشتغل وتم السائق يدقها سلف وهم كلهم في الطراد.. فقال واحد خلونا نمشي شوي وبنحاول نشغلها ونحن مبحرين فرفض شخص منهم وقال لالا لازم نشغلها ونحن في الفرضه…
   اثاري عندهم تسرب بترول من الخزان في بدن الطراد ومن كثر دق السلف احترت وايرات البطاريه وهي لحظات وتم الانفجار ولكم تتخيلون اخواني طراد مليان بترول والتسرب مالي الطراد كيف بيكون الانفجار مع العلم ان الطراد كانت عليه مظله وتحت المظله كل الشباب….. عموما الحمدلله وكانت معجزه ان الشباب كلهم سالمين ماعدا بعض الحروق منها الخفيفه ومنها البليغه واعتقد بعض الكسور في بعض اللي طار في الجو ووقع على صخور الفرضه واللي طار ووقع في البحر كانت فيهم بعض الحروق اللي ذكرتها..
   خلاصة الموضوع ارجوا من اخواني التشييك الدوري على اي تسرب بترول وعلى وايرات البطاريه والكهرباء

   لكم تحياتي

   عزيزى الكدن اشكرك على توضيح هذه النقطه المهمه للاخوان -حاولو يا اخوان تكون وايرات الكهربه فى بيب بلاستك بعيد عن خزان البترول واضافه على كلام اخويه الكدن تانكى البترول يجب ان تكون بايبات الهواء مب اقل من اثنين او ثلاثه بايبات على الاقل وبقياس من 2 الى3 انش 0تقبلو تحياتى 0

3. هلا بالغالين .. حبيت اشارك واروي لكم قصه حدثت من كذا سنه ولاكن مهمه الا وهي خزانات البترول المصنوعه من الفيبر….
   في يوم من الايام طلعوا شباب لرحله بحريه وكان عددهم تقريبا 7 اشخاص اذا مب اكثر المهم نزلوا الطراد وهو بكامل تجهيزاته للرحله من ماي وبترول وعدة الصيد والاكل واللحف وعند تشغيله اشتغلت مكينه وحده والثانيه ماطاعت تشتغل وتم السائق يدقها سلف وهم كلهم في الطراد.. فقال واحد خلونا نمشي شوي وبنحاول نشغلها ونحن مبحرين فرفض شخص منهم وقال لالا لازم نشغلها ونحن في الفرضه…
   اثاري عندهم تسرب بترول من الخزان في بدن الطراد ومن كثر دق السلف احترت وايرات البطاريه وهي لحظات وتم الانفجار ولكم تتخيلون اخواني طراد مليان بترول والتسرب مالي الطراد كيف بيكون الانفجار مع العلم ان الطراد كانت عليه مظله وتحت المظله كل الشباب….. عموما الحمدلله وكانت معجزه ان الشباب كلهم سالمين ماعدا بعض الحروق منها الخفيفه ومنها البليغه واعتقد بعض الكسور في بعض اللي طار في الجو ووقع على صخور الفرضه واللي طار ووقع في البحر كانت فيهم بعض الحروق اللي ذكرتها..
   خلاصة الموضوع ارجوا من اخواني التشييك الدوري على اي تسرب بترول وعلى وايرات البطاريه والكهرباء

   لكم تحياتي

4. اخوي البالول انته فاكهة المنتدى وثروة بحريه ومواضيعك تثري المنتدى والله لايحرمنا منك
   بالنسبه لموضوع الحوادث البحريه دايم ما تكون بسبت قلة الخبره في البحر.وانته في البحر لازم تاحذ كل الامور بجديه لانك ماتعرف وين الخطر بييك من البحر اذا جلب او من الطراد اذا سوى يمه وطبع او من المكاين اذا ما شتغلن او حتى من سمكه ما تقدر حجم قوتها او من باخره كبيره ماتقدر تغير خط سيرها.وابغي اضيف انه لكل وسيلة نقل بحريه قانون ابحار دولي يعني في قانون حق الابحار بالبواخر والتكات الي قالصه وحق قوارب صيد لازم انته تكون ملم فيها عدل لانه الجهل ابها هو الي يسبب الكوارث.مثلا في مبدأ يقول انه الوسيله الصغرى هي الي تفتح المجال حق الوسيله الكبرى.واذا سمعت الباخره الي وياك على نفس الخط وانته واقف ظربتلك هرن يعني ما بغير خطه وانته الي لازم تتحرك من المحدق وهذا يعني تخلي في نهاية حبل السن بويه وتبطل الحبل من الطراد وترجع عقب حق البويه لان ساعات الوقت ما يسعفك تسحب السن حتى وهاي حصلتلي من شهر تقريبا وحتى لو هو صدمك ما بيتحمل اية مسؤليه قانونيه لانه هذا الي يقوله القانون البحري الدولي.وقوانين ابحار كثيره وياريت انه الكل يكون عارفنها قبل ما يدش البحر لانه غيرنا من هالاجانب كباتن البواخر ماشين عليها ويامى ناس راحو وناس الله سلمهم بسبت جهلهم بهذي القوانين والاجراءات وعدم تقدير الامور بقدرها.والسموحه على التطويل

   تسلم بو صلوح على هذه الاضافه -اللهم اجعلها فى ميزان حسناته وانفعه بها اللهم امين 0

5. اخوي البالول انته فاكهة المنتدى وثروة بحريه ومواضيعك تثري المنتدى والله لايحرمنا منك
   بالنسبه لموضوع الحوادث البحريه دايم ما تكون بسبت قلة الخبره في البحر.وانته في البحر لازم تاحذ كل الامور بجديه لانك ماتعرف وين الخطر بييك من البحر اذا جلب او من الطراد اذا سوى يمه وطبع او من المكاين اذا ما شتغلن او حتى من سمكه ما تقدر حجم قوتها او من باخره كبيره ماتقدر تغير خط سيرها.وابغي اضيف انه لكل وسيلة نقل بحريه قانون ابحار دولي يعني في قانون حق الابحار بالبواخر والتكات الي قالصه وحق قوارب صيد لازم انته تكون ملم فيها عدل لانه الجهل ابها هو الي يسبب الكوارث.مثلا في مبدأ يقول انه الوسيله الصغرى هي الي تفتح المجال حق الوسيله الكبرى.واذا سمعت الباخره الي وياك على نفس الخط وانته واقف ظربتلك هرن يعني ما بغير خطه وانته الي لازم تتحرك من المحدق وهذا يعني تخلي في نهاية حبل السن بويه وتبطل الحبل من الطراد وترجع عقب حق البويه لان ساعات الوقت ما يسعفك تسحب السن حتى وهاي حصلتلي من شهر تقريبا وحتى لو هو صدمك ما بيتحمل اية مسؤليه قانونيه لانه هذا الي يقوله القانون البحري الدولي.وقوانين ابحار كثيره وياريت انه الكل يكون عارفنها قبل ما يدش البحر لانه غيرنا من هالاجانب كباتن البواخر ماشين عليها ويامى ناس راحو وناس الله سلمهم بسبت جهلهم بهذي القوانين والاجراءات وعدم تقدير الامور بقدرها.والسموحه على التطويل

Comments are closed.