السلام عليكم اخواني الأعضاء الافاضل
ما ادري اذا لاحظتوا الفترة هذي, الكحه واايد منتشره و بشكل كبير و اذا فينا نحن الكبار بنقول معليه لكن يحليلهم الصغاريه قوم 3 شهور ولا 6 شهور
انا ولدي و بنتي توم عمارهم 6 شهور و الاثنين يايتنهم هالكحة مساكين طول الليل كحه والله قلبي يتقطع يوم اسمعهم …
ما خليت عياده ما رحتها .. وديتهم النور , و مركز الامير , مركز الخليج التخصصي … و كل دكتور حط فلسفسته و عطاني دوا و لا يفيد اخر شي .. الحين حال الصغاريه من اسبوعين الي مر في نفس التجربه و أو حد عنده اقتراح يتفضل …
الله يعطيكم الصحه و السلامه
دومنا كل ما يزجمون عيالنا، انبند المكيفات و انام في الحر.
هالطريقه زينه وايد في القضاء على الزجمه، طبعا بمساعدة دوا الكحه.
لأن البروده أهم أسباب الزجمه و إحتقان البلاعيم.
البارحه عيالي كانوا مزجمين، جان أبند المكيفات من الساعه 9 فليل تقريبا و الحمد لله ما سمعت صوت كحتهم إلا نادرا. و اليوم الصبح و أنا طالع للدوام، حسيت إنهم بخير (مع إنهم راقدين). ناوي أكمل على نفس النوال لمدة يوم أو يومين.
طبعا لا تلحفهم بكبرهم بلحاف غليظ، بس أفصخ عنهم الملابس الخارجيه و خلهم عـ الداخليه ولحفهم بشرشف خفيف.
الحلو إني أنا بعد أحس إني أنش نشيط يوم أنام بدون مكيف.
فكس (مال الأطفال) على الصدر والظهر قبل الرقاد + دوا اكتيفيد للكحة + خاشوقة عسل ع الصبح
وخف ع المكيف لاتخليه بارد وايد يعني تكون درجة حرارة الغرفة 22 الى 24 ادري انه بيكون حر بس كل شي يهون عشان العيال. المكيف البارد يبهدل الواحد اذا فيه كحة.
وان شاء الله بيكونون بعافية، (ولدي نفس الشي فيه كحة والحمدلله خازت)
شرب ملعقة صغيرة من زيت السمسم وانشاء الله مايشوفوا الا العافية
الله يشفيهم والله اليهال يكسرون الخاطر عليك بالعسل وفيه في الصيدليه فكس للاطفال بارد افركه على صدره وظهره مع استخدام الادويه بانتظام
اذكر ابوي يوم كنا اصغار يكور الكركم ويخلينا نصرطه تنقطع الكحه في فتره قصيره
بعد مره وصلني ايميل كاتبين فيه اللي يبا الكحه توقف يفرك قاعه الريل قبل النوم بفكس ويلبس ادلاغات
بس ما جربت ومب متاكده من صحة ها الكلام !
والله يشافيهم ويعينك ان شاء الله
وايد صغار ربي يحفظهم
انا فترة صابتني كحة ونفس الشي الأدوية مامنها فايدة
بعدين أمي قامت تعطيني عسل بليمون مرتين كل يوم
بس يكون عسل أصلي ومايكون وايد حامض يعني هي كانت خالطه شوي وتعطيني منه
وطبت سبحان الله
وايد خف عني ومع الايام راحت الكحة ..