الكرين ولا راسين فورويل ولا راس سكس ويل شو الراي

10 thoughts on “الكرين ولا راسين فورويل ولا راس سكس ويل شو الراي”

1. الكرين مجربه و زين

   بس سمعت من شخص ان السكس ويل ربحه اعلى !!
   كان يقول تريب واحد من العين لدبي ب 5 ألف و تريبين ب 10 ألف ممكن تسويهم بيوم واحد !!
   و يحسب لي ارقام كبيرة

2. السلام عليك أخوي .. أنا عندي كرين .. عندي أهتمام من يوم كنت صغير بالنقليات .. إذا بتاخذ شاحنات على الاقل تاخذ ثنتين على أساس وحده تغطي على الثانيه في حال أختربت وحده .. بالنسبه للكرين أخوي أحسن عن الشاحنات .. تحركاته محدوده ..مافيه صرفيه تواير ولا ديزل .. وخراباته محدوده يعتمد على السواق ودخله أحسن عن الشاحنه ومطلوب في السوق وايد

3. انا عن نفسي ما عندي خلفيه على الموضووع وايد بس انصحك بالكرين
   اعرف شخص له 40 سنه في النقليات وما يحب طاري الشاحنات ويقولي اذا تبي ادخل في كرين شيول حفار هذا شغله في مكان تواجد العمل ما ينزل ويروح مشاوير وعطالات ومادري شووو

   بس اخوي اذا تعرف بعد حد يبي كرين ارجو تراسلني بالخاص

   ودمت سالم وغانم

4. راس سكس ويل لو سايق كويز اقل شي 25000 عن تجربة

5. اخوي اذا عندك سائق فاهم في الكرين توكل على

   الله.لنه احسن من التريله تريله مشاكله كثيره …

   من باب تجربه؟

   وشكراً..

Comments are closed.