هذي كلمة حق في الاخت قصايد
انا اخذت منها المجموعه الخاصه في التبيض قلت راح اجربها لو عجبتني راح اشتري منها واوزعا على اللي عندي 🙂 فكر تجاري شسوي تعودنا
وطبعا اول ما وصلتني المجموعه قلت خل اجربها بس قلت خل اجربها في مكان صغير وكانت عندي بقة في يدي مو اي بقعه حرق صار له يمكن اكثر عن سنه طشر الزيت على ايدي بس مو اي تطشير يعني شرات الماي وانرش على ايدي زيت حار نفخت ايدي و طار اليلد و صارت حالتها حاله خذت وقت كبير ليما شفت بس تركت علامه واضحه في ايدي جلد ايدي صار مكان الحرق بني غامق الى بني فاتح متدرج وكل اللي يشوفه يلاحظ الفرق وقول شو اللي في ايدج
المهم يبت الخلطه وسويت شرات ما قالت الاخت بالضبط بس طبعا على منطقة الحرق وخليت الحناء البيضاء نص ساعه وبعدين كملت البرنامج بس انصدمت بمعنى الكلمة انصدمت
شيء غريب طبعا البقعه شبة رااااااااااااااااااااااااااااااااااحت ما راح اقول راحت من اول استخدام شبة راحت اللي كان لونه بني فاتح راح واللي بني غامق فتح وبهت اللون وتركز في مكان واحد ما ادري كيف بس صدق انا نفسي تعجبت وكملت عليه لين اسبوع وماشاء الله انا اكتب واطااااااااااااالع يدي مكان الحرق صدقوني ما كانه فيه كان شيء سبحان الله
وطبعا كملت على بقايا البقع واثار الحبوب اللي في الوجه صدق يوحد لون البشرة ويخليها صافيه
يعني اللي كان يفكر و متردد ويقول شو ممكن يسوي لي هذا المنتج بصراحه …………………ما اقدر اقول غير شيء عجيب
مشكورة اخت قصايد والله يعطيج العافية وفيتي وكفيتي
وطبعا انا سويت لمنجموعتها دعاية محصلتج عن زبوناتي 🙂

15 thoughts on “الكل يدخل كلمة في العضوة قصايد”

  3. اختي انا عارضه هذي المنتوجات في منتديات ثانية غير هذا المنتدا في اكثر من منتدا وصار لي فتره اعرضه و مثل ما البنات مواضيعهم في كل منتدا تتكر انا موضوعي صار له فتره في منتديات ثانيه
    وما راح احط اسماءها عشان ما يقولون دعاية لمنتديات نسائية ثانيه وتسلمين يعني مثلا انا شايفه اعلانات لدبي بيبي في منتديات ثانيه و الدريماكول والبيتاداين اللي اعتقد سحاب تعرضه اول مره في هذا المنتدا واللي صار له اشهر ينعرض في منتديات ثانيه انا صار لي فتره في الحناء البيضاء و ملح الحليب مش بس من كم من يوم وتسلمين على الملاحظه شكرا
    بس تذكري نحن مو بس عندنا منتدا واحد وبعد فيه ناس من هذا المنتدا ويدشون منتديات ثانيه يعني الاخت شمسه المهيري وغيرها بعد انا اشوفهم في منتديات ثانيه يعرضون بضاعتهم ام عزوز وغيرهم
    وانا اول مره اعرض في هذا المنتدا شيء وقلت اشوف الاقبال لاني كنت بس اشوف فيه الاسم واطلع ما ادخل السوق التجاري عنده وقلت اجرب وفيه ناس
    راح يستخدمونه هذا الاسبوع انشاء الله واذا عجبهم راح يكتبون انشاء الله
    تسلمين على ملاحظتج

  5. ممكن استفسار منكم خواتي أم احمد وقصايد ؟ بإعتبار انكم انتم الاثنين تمارسون نفس النشاط التجاري وهو المنتوجات العشبية الطبيعيه
    الاخت قصايد اعلنت عن منتجها بتاريخ 29 7 وبتاريخ 30 7 ام احمد دخلت موضوعها وكتبت انه ملح الحليب وما ادري شو من المنتوجات الزينه ( بما معناه ام احمد تعرف ها المنتجات من قبل وتميزها عن غيرها)
    ولكن الموضوع الي نشرته ام احمد اليوم بتاريخ 18 ويمدح المنتج الي تبيعه قصايد ، محير بعض الشي ، حيث ان الاخت ام احمد تقول انها صارلها اسبوع تستخدمه ، يعني بالمنطق هي تستخدمه على الاقل قبل تاريخ 257 . قبل الاعلان يعني. هل انتم صديقات مثلا وحدث انه ام احمد سمعت عن المنتج من قصايد قبل ما تعلن عنه وبدأت تستخدمه ؟ والي انا اعرفه انه المنتجات الطبيعيه تعالج اللون بحد ذاته والي غالبا يكون ناتج عن الاحتكاك او الشمس ، بس الحروق وخاصه الدرجه الثانيه ؟! قويه شوي.

    طيب انا ما اريد اشكك بالمنتج نفسه وانا بروحي اريد اجربه ، ولكن ما احس له داعي كصديقات تسوون دعايه لبعض، الاخت قصايد واثقه من منتجها والافضل انكم تتريوون لغايه ما الزباين بأنفسهم يردون ويكتبون عنه.

    بارك الله فيكم و حفظكم

    جلنار

    you are right 100%

    http://www.danasoft.com/sig/alkaabi_Juma.jpg

Comments are closed.