حبيت الكل يشاريكني و يبدي رايه عن اللاندكروزر اليديد للأن الناس طايحين فيها بدون مايعرفون مساوئهاز
شو رايكم في ال8 و ال6 سلندر يقولون عزمها مب قوي؟ شو رايكم في سلاسة التحكم في السياره
والسكان؟
شو رايكم بابريك و الرسبونس لأن الجديم كان البريك يابس و لازم الواحد يدوس باقووو عشان يخفف
خصوصصا في السرعات العاليه .
الجديمه كان السكان يابس والمناوره متعبه و مب مريحه فالخطوط. أنا أفكر اخذلي وحده لاكن متخوف من
راحت سياقتها والمناوره. شو رايكم و تجربتكم ؟
مشكور يالمزروعي علي هلكلام الطيب الي حيرني طبعا
ولاكن محتار عن عزم ال6 يعني تحس السياره ثجيله و البريك يابس؟
شو سالفت ال8 ماعندك خبر؟
والله في ناس تقول اللأنفنتي خرابها قليل و بعد ال100 الف اوكى فاشو الراى
ههههههههه تصدق!
فريت راسي ع الاستيشن
شكلي باخذلي واحد
بستخير وباخذ استيشن 6
ماشي فرق فالقوة بين ال8 وال6 .. اللهم فرقية صرف البتروول ههههههه
وانا اباه حق استعمال ماباه حق قوة ..
خخخخخخ مب جني حيرتك زياده ؟
بس الصراحه الاستيشن مافيه حيله
توني البارحه اسوق استيشن الدريول موديل 2005 أو آخر 2004 ما أذكر بالضبط
ماشاءالله هيبة وراحه… فـ مابالك الاستيشن اليديد (وبعد سقته وجربته .. وجربه أنته وخبرني شعورك عقب)
واذا بغيت تقارن بين الانفنتي والاستيشن طبعا بتلاقي ان الانفنتي واااايد احسن في المواصفات والشكل .. لكن الاستيشن عملي جدا جدا + مريح جدا جدا خصوصا اليديد.. و أثبت عن الأولي.. صرفيته احسن .. اذا بتاخذ ال 6 تفويلته 160 بيتم عندك كـ متوسط 3 أيام وع حسب استعمالك…
لكن الانفنتي مشكلتها انها مكينه يديده وقير يديد وتعتمد 80% على تكنولوجيا يعني اذا لا سمح الله خلص ضمانها ال 100 ألف او ال3 سنين.. انسى انسى يا ولد .. راحت عليك .. بتغادي شرات المرسدس ولا البي ام يوم يخلص ضمانه .. وبتوقع عقد سنوي مع مصفح وأخواتها .. هههههه
والله انا من وجهة نظري مع اني كنت متشدد واااااايد ومنحااز للإنفنتي وحجزت وحده (وعلى فكرة لين اليوم مارديت 2000 الحجز هههه) .. لكن انا اقولك اذا بغيت تاخذ خذلك استييييشن …
ونصيحه اذا عزمت الحين .. لا تروح معارض بوظبي.. يا أما العين يا أما بني ياس .. بتحصل هناك ال فووول فوول اوبشن ال6 بـ 193500 أو 194000 وموديل 2009 بعد من بهوان
لكن الفطيم فالوكاله قالي قبل 3 ايام اذا تبا 2009 فول ابشن 194 ألف واحجزها اونه .. خخخخخ قلتله ماعليه اذا عندك فالوكاله جيه عيل فالمعارض كم بتصك…
أنا ما ابا أحيرك وأطول عليك .. اختصر الطريج واستخير ربك عالإستيشن وان شاءالله مابتخسر وبتذكرني بعد 4 سنين من الاستعمال المتواصل وبتقول فلان قال… بس ادعيليه الله يخليك ههههههههه
يالله بالتوفيج والسموحه منك…
استيشن استيشن استيشن <<<(كانت انفنتي سابقا ً) هههههه
تحياتي لك,,,
والله انا كنت نفسك محتار بين الاستيشن وال fx اليديده
لكن اكتشفت ان كل وحده منهن في فئة غير ولا يخصها فالثانية ومافي مقارنة بينهم
ميزة الانفنتي في الشكل والقير والمكينة والثبات
لكن ميزة الاستيشن في الحجم والراحه وقيمته اللي ماتنزل (جيك في الجيب)
هههههه وآخرتها رسيت على الاف جي وان شاءالله نويت عليها خلاص..
لأني اذا خذت استيشن بيكون سعرها وايد قريب من FX اليديد وبتندم كل ماشوف انفنتي فالشارع ..
واذا شفت الاستيشن بقول ياويلي ويلاااه..
ف قلت خلني ااخذ سياره أكدها سنتين ثلاث وفي نفس الوقت اشوف الانفنتي والاستيشن ولا أتندم لأن الفرق في السعر شااسع قريب ال 120 او 100 ألف
وانته شاور الشباب واستخير ربك وان شاءالله أمورك بتتيسر…
مشكور اخويه علي هلمعلومات بس محتار شو رايك بل انفنيتي fx اليديده
يا شباب انا حبيت سياره فورويل و خفيفه و قويه
شاركونا برايكم
أخوي السيارة عيبها الي أعرفه ضعف محركها بالنسبة لكبر حجمها وأنا من خلال قراءة موضوعك لاحظت أنك راعي مغامرات شرسه مثل السباق والقومه وغيره
فالمحرك ضعيف 8 سلندر 271 حصان لايعطي العزم المطلوب أنا جربتها في الخط والبر السيارة مريحه والبريك مظبوط ماعليها كلام بس السيارة ثقيله يعني تقول قالص طراد 
أما 6 سلندر فالحذر منها محركها سيء جدا الكورلا أقوى منها
رديت وشريت لكزس 570 قوة المحرك كبيره 383 حصان 
والحمدلله يوم أسوق الفي ايت بعد الكزس أحس السيارة ميته مافيها عزم ومن الداخل سوداء تحس بالكأبه 
السموحه طولت عليك أخوك طواش