حبيت الكل يشاريكني و يبدي رايه عن اللاندكروزر اليديد للأن الناس طايحين فيها بدون مايعرفون مساوئهاز
شو رايكم في ال8 و ال6 سلندر يقولون عزمها مب قوي؟ شو رايكم في سلاسة التحكم في السياره
والسكان؟
شو رايكم بابريك و الرسبونس لأن الجديم كان البريك يابس و لازم الواحد يدوس باقووو عشان يخفف
خصوصصا في السرعات العاليه .
الجديمه كان السكان يابس والمناوره متعبه و مب مريحه فالخطوط. أنا أفكر اخذلي وحده لاكن متخوف من
راحت سياقتها والمناوره. شو رايكم و تجربتكم ؟
بإختصار موديل 2007 هو 2008 مع تغيير الشكل الخارجي والداخلي اما بخصوص المكينه والعزم والسكان وغيره من هالأمور الميكانيكيه نفس الشي… عماما هي سياره عائلية فقط لا غير وما تستحق هالسعر يكفيها 180 ألف للفل أوبشن.
الاستيشن اليديد مافيه حيله بس شرط يكون فول ابشنVXR V8
بعد 5سنوات بقيمه عدله لان سعره ما يطيح
أنا بصراحه أشوف الستيشن اليديد ماعليه كلام وخصوصا ال8، أنا الموتر هذا استخدمته شهر ماشفت فيه عيوب غير المكيف شوي، ويمكن أنا ماعرفتله عدل. بصراحه من ناحية السواقه وايد حلو، وعلى فكره تراه قومته أحسن من الأولي وسمعت “رمسه” انه ينش عن الفتك قومه بس بصراحه ماجربت. طبعا مايتقارن بالكزس لأنك بتتكلم عن فرق 100,000 في السعر، ولكن على سعره الحالي معقول بس أنا بصراحه حبيت وارد البريمي لأنه مواصفاته رهيبه!
ساعدونييي تراني محتار و متخبل شو اختار؟
كل يوم علي هاحاله حتي اني صرت اكلم نفسي. اي سياره تعمر يعني ماشي مشاكل بعد 5 سنوات. و
لا تنسون الأنفنتي سمعتها قويه في امريكا و خرابها مش وايد.
ماشي فرق بين 6 و 8 سلندر
ال6 مكينة برادو حوالي 230 حصان
و8 سلندر 271 حصان 