برنـــامج ثقه ،،
أكيد كلكم تعرفونه __ واللى مايعرفه هي بطاقه التأمين الصحي المدفوعه من قبل ثقه لمواطنين مدينه بوظبي
صراحة هالبطاقه نعمه من رب العالميـــن ،، بس للأسف اللى صرنا نشوفه ماكان في الحسبـان 
أقولكم مره سايره أتعالج من ضروسي في مستشفى حكومي أنا متعوده أتعالج دوم عنده ( طب أسنان المفرق ) ودشيــت المكان فااااااضي ومحد عرب أقول للوالده ليش جيه فاضي ؟
تقولي فديتج ثقه ظهرت شو يبون بالحكومي !
قالت لي أنتي تعرفين فلانه شو سوت في ولدها وده مستشفى … و … و … الخـاص على أشعه على فحوصات تتوقعين كم ظهر حسابه بروحه في شهر ؟
قلت لها كم ؟ قالت لي : 10000 درهم !!! 
صراحة ،، الله يعينها ثقه ــ قلت للوالده شو رايج أبا اسير مستشفى … الخاص بجرب خلينا نريح زايد العسكري ونشوف هذا 
قالت لي ع راحتج
المهم خذت موعد وييتهم دخلت وربي ماكملت 5 دقايق ،،، طبعا بدون دواء بدون شئ ظهرت اوقع ع الورقه الحساب 320 درهم ــ صراحة حرام
320 على كلمتين قالها الدكتور ؟!!
قالت لي الوالده شفتي بكم قلت لها هيه 320 تخيلي
نرد البيت ،، أطالع ويا الوالد والوالده أخبار الدار على قنـاه بوظبــي
شركة التأمين الصحي ثقه تشتكي من رفع المستشفيات للأسعار …….. معلوم بترفعهن أنا الحين أتخيل كم يوصل السعر في اليوم صراحة واااااااايد
يعني لا وعي من بعض المواطنين ،، والمستشفيات الخاصه ماصدقت رفعت
أنا اقول لثقه مافيه حل الا انكم ،،،،
1- تحددون الأسعار بينكم وبين المستشفيات ……. أو
2- تخلون الدفع جزئي من صوبكم ………. أو
3- تحددون مبلغ معين للمواطن صاحب البطاقه في السنه …… أو
4- رفع رسوم تجديد البطاقه
ثقــه مب يالسه عدال مصنع فلوس ولا عدال بنك تغرف منه كم بيدفعون حليلهم هذا وهم في البدايه جيه
الله يعينج ياثقه
هههه سالفه والله ،،
بس أنا توقعت التقويم مب على الضمان لنه تجميـلي !! غريبه
أما بالنسبه للنقـاط أنا اشوفها عادله ،، لنه الناس تغرف من الخير صح نحن مواطنين ونستاهل بس المواطنين مب مقدرين النعمه هاي و تستخدمها بالطريقه الغلط !!
الله يعافـيك ويسلمك أخوي ومشكور ع المرور
الله يسلمج الغلااا ــــ
إن شاء الله ماتستخدميها أبد
الله يطول عمار الشيوخ
ويرحمنا من جشع التجار
صج والله في ناس اول ما عرفوا ان ثقه ما تمانع حد يركب تقويم اسنان على حسابها قاموا و شلو عيالهم وعيال الفريج وعيال راعي الدكان بعد لأنه ببلاش وهم مافيهم شي بس علشان الستايل ( الصطايل ) لوول
أؤيد نقطة تحديد أسعار المستشفيات فقط اما النقاط الأخرى ما اؤيدج فيها لأن المواطنين لهم حق على الدوله و الخير وايد وشيوخنا كرم و حنا نستاهل ^^
يعطيج العافيه و سلامات