برنـــامج ثقه ،،
أكيد كلكم تعرفونه __ واللى مايعرفه هي بطاقه التأمين الصحي المدفوعه من قبل ثقه لمواطنين مدينه بوظبي
صراحة هالبطاقه نعمه من رب العالميـــن ،، بس للأسف اللى صرنا نشوفه ماكان في الحسبـان 
أقولكم مره سايره أتعالج من ضروسي في مستشفى حكومي أنا متعوده أتعالج دوم عنده ( طب أسنان المفرق ) ودشيــت المكان فااااااضي ومحد عرب أقول للوالده ليش جيه فاضي ؟
تقولي فديتج ثقه ظهرت شو يبون بالحكومي !
قالت لي أنتي تعرفين فلانه شو سوت في ولدها وده مستشفى … و … و … الخـاص على أشعه على فحوصات تتوقعين كم ظهر حسابه بروحه في شهر ؟
قلت لها كم ؟ قالت لي : 10000 درهم !!! 
صراحة ،، الله يعينها ثقه ــ قلت للوالده شو رايج أبا اسير مستشفى … الخاص بجرب خلينا نريح زايد العسكري ونشوف هذا 
قالت لي ع راحتج
المهم خذت موعد وييتهم دخلت وربي ماكملت 5 دقايق ،،، طبعا بدون دواء بدون شئ ظهرت اوقع ع الورقه الحساب 320 درهم ــ صراحة حرام
320 على كلمتين قالها الدكتور ؟!!
قالت لي الوالده شفتي بكم قلت لها هيه 320 تخيلي
نرد البيت ،، أطالع ويا الوالد والوالده أخبار الدار على قنـاه بوظبــي
شركة التأمين الصحي ثقه تشتكي من رفع المستشفيات للأسعار …….. معلوم بترفعهن أنا الحين أتخيل كم يوصل السعر في اليوم صراحة واااااااايد
يعني لا وعي من بعض المواطنين ،، والمستشفيات الخاصه ماصدقت رفعت
أنا اقول لثقه مافيه حل الا انكم ،،،،
1- تحددون الأسعار بينكم وبين المستشفيات ……. أو
2- تخلون الدفع جزئي من صوبكم ………. أو
3- تحددون مبلغ معين للمواطن صاحب البطاقه في السنه …… أو
4- رفع رسوم تجديد البطاقه
ثقــه مب يالسه عدال مصنع فلوس ولا عدال بنك تغرف منه كم بيدفعون حليلهم هذا وهم في البدايه جيه
الله يعينج ياثقه
بالاوووووووووووول يطرشون لي البطاقة
مسونها بشهر 4 بالشهامه
والحين شهر 8
4 اشهور طافت وما وصلتنى وكل ما اراجع قيد الانشاء
يعنى البطاقة بنتنهي وانا ما استلمتها
هذه عادة النفس البشرية…
فأشخاص قليلون يبدؤون بارتكاب بعض الحماقات …ويكون المردود على المحتاج من الناس..فالشر يعم والخير يخص….
وأما بالنسبة للمستشفيات وتلاعب الأسعار ..لا أعلم ما خطب التجار و دولتنا!!!….اتمنى أن يكون لها دستور اقتصادي أقوى….بحيث تمنع تلاعب الاسعار التي تجعل الاغنياء أغنى…والمقتدر إلى متوسط الحال …والمتوسط يصبح فقير !!!..
وأمر الاسعار في المستشفيات الخاصة أمر متوقع ,,,,, أما الأشخاص الذين يسيؤون الاستخدام …. ..يجب أن يكون هناك متابع لحالة المريض في كل مستشفى!!
يحزنني أن أقول إننا ناس لا نلتزم دون قانون جبر و دفع والخ……فلازلنا لم نصل لرقي الفكر الذي يمنعنا من استخدام كل ما في يدنا بطريقة غير حضاريه!
أؤيد نقطة تحديد أسعار المستشفيات فقط اما النقاط الأخرى ما اؤيدج فيها لأن المواطنين لهم حق على الدوله و الخير وايد وشيوخنا كرم و حنا نستاهل ^^
عزيزتي..اعتقد بعد المواطن رغم كلامي اللي فوق..يستحق الدلال بعض الشيء….بعد ما قمنا نشوف حقوقنا تضيع وننذل في بلادنا على حساب الاجانب وغيرهم!!! فالمواطن لازال في بلده…
ولكن لازلت أقول “” خير الأمور أوسطها “”
والسموحة
خدلج
__________________
ليكون انتي محامية ثقه وانا ما ادري ؟؟ اذا الشيوخ ما قصروا و وفروا البطاقه ابلاش ليش هذا الكلام الي لا يودي ولا اييب ..يعني في حد يرفس النعمه و يقول لا لازم ادفع ؟؟؟ اذا انتي ترومين تدفعين في غيرج ما يروم
أمين يارب
شكرا لمرورك