مرحبا اخواني وخواتي
اذا ممكن مساعده اريدكم تخبروني انا انشالله ببيع 5000 سهم من اعمار شو تنصحوني اشتري انا حاطه في بالي اشتري زياده في اعمار هل تنصحوني بهذا الشي وشو اخذ اسهم غيره الله يخليكم انا مافهم وايد في السوق
7 thoughts on “الله يخليكم ردوا علي بسرعه”
Comments are closed.
نصيحتي لك ياخوي من جزئين…
– دوم خلك على اتطلاع بهذا المنتدى وبالاخبار الاقتصاديه..
– لا تاخذ على كلام اي شخص يرمس من وجهة نظره .. اسمع منه وافهمه وبعدين انت قرر اذا الي يقوله مقنع او لا .. يعني بصريح العباره لا تمشي ورا الاقاويل..
سوق الاسهم مربح ومربح بشكل كبير.. لكن لازم تعرف كيف تتعامل به .. ولازم تكون عندك قاعده معلوماتيه عن الاسهم والشركات المدرجه وكيفيه الاستفاده من الاخبار والتحاليل الصاده من تلك الشركات..
كل الاسهم زينه بليا استثناء.. في اسهم تستفيد منها بسرعه والاخر بعد فتره من الزمن..
ويعتمد على الاستراتيجيه الي انت تتبعها يعني هل تبا تعور راسك بالاسهم .. وتبا الربح السريع اذا انت مضارب
اما تبا تريح عمرك .. اشتر سهم موثوق به واتريا عليه 6 شهور او سنه والربح اكيد باذن الله..
حاول تطلهع على اكبر قدر من المواضيع في هذا المنتدى .. وهناك بعض الكتاب المشهود لهم بالكفاءه والنظره الثاقبه في امور الاسهم ركز على مواضيعهم..
ودمتم
مرحبا …
بنسبه للدار العقاريه بتمسك مشاريع بوظبي الحين تقريبا كلها…ووراها الشيخ محمد بن زايد..وهوامير…ومايبون السهم ينزل…يعني بختصار السهم..وراه فايده كبيره ع المدى البعيد
اما اعمار…سهم حلو لمضاربه….
بالتوفيق انشالله