السلام عليكم ورحمة الله وبركاته
اخواني حبيت استثير موضوع مب صغير حصلي من فترة قصيره ….
الحاصل اني من 1/9/2005 اشتريت سياره لكزس صالون ال اس 400 وارد امريكا وكنت قد عارضنها للبيع في المنتدى والحاصل من التاريخ الي ذكرته اني يوم اشتريت السياره فحصتها في ادنوك وقالوا لي السياره سليمه للسير واشتريت السياره على ضمان الفحص وجددتها فالسنه الي بعدها وقالوا لي ما فيها اي شي والسنه الثالثه يوم حبيت ابيع السياره واشتراها واحد من الربع وعطاني عربون وراح فحص ادنوك فالعين قالوا له السياره فيها لحام فالشاصي وانا بنفسي بعد الي صار شليت السياره ورحة للفحص وشافت اللجنة الفنيه فالفحص السياره وقالوا لي السياره ملحومه من زمااااااااااان بس اللحام جيد والمهم السياره مانقدر نمشيها لك الا في حال وديتها الوكالة هات لنا تقرير من الوكالة ان السياره صالحه للسير .
انا رحت وكالة بهوان فالبريمي وقالوا لي مانقدر نعطيك تقرير الا اذا صلحت الشاصي عندنا وبنعطيك تقرير قرنتي للسياره انها صالحه للسير , بس الجماعه طالبين للتصليح 6000 درهم وهذا مب شوي المهم والله هالسياره كنت شاريها بـ 68 الف درهم وبعتها لواحد بـ 30 الف درهم يعني والله هالفحص لادنوك وايد ضروني بهالقرار مالهم .
الله يسامح الي كان السبب
والحين اخواني كل واحد يبديلي رأيه فالموضوع
وانا انصح اي واحد يريد يشتري سياره مستعمله انه مايطيح فالغلط الي طحت فيه ويجب ان يفحصها فالوكالة احسن عشان يحصل ضمان ع الفحص والسموحه اذا طولت عليكم
اولا لو كلامك صحيح تقدر تشتكي في ادنوك وتقول لهم اني اشتريت هذي سيارة وما فيها شي من 3 سنوات
وهذي حكاية صارت مع ربيعي وراح شركة ادنوك وعوضوه بتصليح سيارة داخل الوكالة
وشكرااااااااااااااااااااااااااااااااا
لا تسكت على حقك
الله يعينك ياخوي ويعوض خير من هاي الفلوس
واجوف فحص ابكو الشامل جيد ويظهرولك عيوب الشاصي
والله يعوضك
والله فوضى … متى أستوى الفلبينين يشتغلون في المواتر .. بس العتب مب عليهم ..العتب على شركة أدنوك يوم دقت صدرها حق المرور وقالت أنا بشل عنهم نقلة الفحص ,, وأندوك الحاصله ! الشاصي منشرخ مشوه .. الكرنكيس منخبق عدوه ….والله يستر عالباجي .
فحص ادنوك ماينفع اصلا الناس اللي يفحصون مالهم خص في الفحص
يايبين فلبينيين مايعرفون شو هو الشاصي
انا كنت رايح افحص سياره في العين و لما وصلت المرحله الاخيره اللي يرفعون فيها السياره عشان يفحصون السياره من تحت
قام الفلبيني وخذ سكروووب (مفك) وقام يضرب الربل اللي بين بدي (جسم) السياره والشاصي بالسكروب
انا استغربت و سألته شو تسوي؟؟ قال اشوف الشاصي اذا فيه شي!!!؟؟
و الله اني وقفته ما خليته يكمل الفحص و طلبت المسؤول و خبرته السالفه و قلتله ما اريده يكمل الفحص
و خبرته وين كان يضرب .. ليش يقطعلي الربل مال السياره بحجة انه يفحص
قال خلاص خلاص طلعوا السياره من الفحص عشان يغطي على الفلبيني اللي ما يعرف شو الشاصي
انا اتحدى اذا كان يعرف شو السياره اصلا
بس انا يا جماعه ماسكت عنهم طرشت لـ استيديو واحد 10 مسجات بالموضوع واتصلوا فيني اليوم وقالوا لي الاسبوع الجاي بيتصلون فيني ع الهواء وربي افضحهم فحص ادنوك