السلام عليكم

ياليت لو حد اشترى سيارة بالمرابحة عن طريق دبي الاسلامي يفيدني ،لاني ما اعرف شو السالفة

وكم لازم يكون الراتب عسب يعطوني قرض وهل لازم دفعة أولى؟؟؟؟؟؟؟؟؟؟

27 thoughts on “اللي أخذ قرض سيارة من دبي الاسلامي يفيدنا…”

  1. الصراحه بنك الشارقة الاسلامي افضل بنك واقل نسبه

    انا خذيت ب 3.79% بس الحين خلص العرض وصار 3.99%

  2. بصراحة عندي صديق في الدوام

    قدم اوراقه في بنك دبي الاسلامي عسب يمول
    سيارة تصدقون كمل شهر كامل مافي اي فايدة
    وعند الاستفسار عن الموضوع
    اسبوع موظف في اجازة العيد واسبوع غياب واسبوع مريض وفي النهاية سائله الموظف يوم تشرف وين

    اورقك خخخخخخخخ صدق والله مب مصخره

    تصدقون قدم اورقه من يديد

    هذا بنك ولا بقالة هههه

  3. انا افكر آخذ بعد من دبي الاسلامي

    بس ما عرفنا الحين .. ضعنا بين المؤيدين و المعارضين

    بس انا سرت الفرع الي على شارع الشيخ زايد كذا مره .. مافي زحمه و كل شي يخلصونه بسرعه

  5. انا خذيت سياراه من بنك دبي الاسلامي وما شفت منهم الا كل خير

    يمكن يعيبهم الزحمه بس … لكن الحين عندهم فروع كثيره … وعن خبرتي اشوفه احسن من بنك بوظبي الاسلام … لان بنك بوظبي لاسلامي يطلب بعض الشروط مثلا اذا السياره كوبي بنك ابوظبي الاسلامي يقولك ادفع 25 % مقدم بعكس دبي الاسلامي الي ما يطالبك بدفع ولا فلس

    هذا والله اعلم

    سوري اخوي بس انا في بوظبي ما دفعت ولا درهم بس يوم قارنت بين فايدة سيارتي وفايدة نفس السياره في بنك ثاني الفرق وووايد كبير

Comments are closed.