السلام عليكم

ياليت لو حد اشترى سيارة بالمرابحة عن طريق دبي الاسلامي يفيدني ،لاني ما اعرف شو السالفة

وكم لازم يكون الراتب عسب يعطوني قرض وهل لازم دفعة أولى؟؟؟؟؟؟؟؟؟؟

27 thoughts on “اللي أخذ قرض سيارة من دبي الاسلامي يفيدنا…”

  2. تبغيهم يحترمونك

    حط عندهم ودايع و خلهم يرفعونك لقسم الخدمات المصرفية الخاصة

    بتلقى أحسن خدمة

    لان هذا البنك متشبع

    لكن عملائهم في الخدمات المصرفية الخاصة Vip لو تبغي يصفون لك السيارة بيصفونها

    و ما توقف في الدور بعد

    تخلص معاملتك على التلفون

    و اذا تعرف اي مدير في هالبنك ما يحتاي وديعة

    بتخلص كل شي بسرعه (يعني بالواسطه)

  3. والله البنك كان زين بس اشوفه اخترب يعني الاول تاخذ سيارة ويوم تسدد نص قيمتها مثلا او اكثر يشلو الرهن عنها اذا كنت عميل ملتزم بالدفع وكانو اذا عندك سيارة وتبا اتحول اقصادها على غيرك كان بعد مسموح اما الحين لا هذا ولا ذاك انا اتصلت بمصرف بوظبي وقالو لي اذا تاخذ سيارة وتدسدد مايعادل 60% من اقصادها نشل الرهن فااتمنى من دبي الاسلامي انه يرد لسابق عهده ولا وايد بنوك اسلاميه يايه في الطريق بنشوف غيره .

  4. انا يمكن اختلف عن ارائكم كلها

    ليش

    على كلامكم كله

    انه الشعب الاماراتي كله مديون

    يعني ماشي واحد خذله سياره والا ماخذ قرض من البنك

    يعني ليش ما تيمع فلوسك وتاخذلك سياره على قد حالك
    ويوم بيي وقت العرس

    يا ريال وين الفلوس

    ماشي

    ترا نص المعاش او ثلثه ماخذ منه سياره

    يعني ما اروم اعرس

    لين ما اخلص القرض اللي عالسياره او ابيعها

    انزين عيل ليش ما فكرت وخذت من قبل موتر على قد حالك

    شو اسوي ما تم حد من شعب الامارات ما خذ قرض للسياره

    يعني ماشي تخطيط

    حتى اللي معاشه فوق الخمسين يا خذ قرض

    المهم الله يعينكم ان شاء الله

Comments are closed.