السلام عليكم
ياليت لو حد اشترى سيارة بالمرابحة عن طريق دبي الاسلامي يفيدني ،لاني ما اعرف شو السالفة
وكم لازم يكون الراتب عسب يعطوني قرض وهل لازم دفعة أولى؟؟؟؟؟؟؟؟؟؟
27 thoughts on “اللي أخذ قرض سيارة من دبي الاسلامي يفيدنا…”
Comments are closed.
السلام عليكم
ياليت لو حد اشترى سيارة بالمرابحة عن طريق دبي الاسلامي يفيدني ،لاني ما اعرف شو السالفة
وكم لازم يكون الراتب عسب يعطوني قرض وهل لازم دفعة أولى؟؟؟؟؟؟؟؟؟؟
Comments are closed.
يعني ممكن يكون فيه تأخير ولكن مب دايما
واللي يجرب البنوك الثانية بحس بقدر بنك دبي الاسلامي
مثال على ذلك انا قدمت على تمويل بناء فيلا من شركة أملاك
في البداية اتصلت فيهم على الرقم المجاني أسألهم عن قيمة القسط والاوراق المطلوبة
اتصلت فيهم ثلاث مرات كل واحد يعطيني معلومة مختلفة عن الثاني
مرات يقولون رسوم ادارية 1%
ويوم رحت احد فروع المكتب قال 075%
وفيه رسوم 7500 درهم رسوم دراسة
ويوم الثاني سألت نفس الموظف قال رسوم الدراسة 3000 درهم
المهم أخذ أوراقي وعمل موافقة مبدئية مدتها اسبوع واحد فقط
قال لي الموظف انه راح يجدد الموافقة اذا انتهى الاسبوع
بعد اسبوع اتصلت فيه طلبت تجديد الموافقة ايضا مدها اسبوع
وقالي بالحرف الواحد : حااااااضر
بعد ما استكملت اوراقي يعني بعد تجديد الموافقة بيومين
رحت لهم واتفاجأ يقولي انتهت مدة الموافقة
قلته انا كلمتك وقلت لي حاااااضر
قال انا قلت حاضر يعني علشان انت تيجي وتجدد مش عالتلفون
بدأ الريال يلف ويدور
قلته خلاص جدد لي الحين
قال الكومبوتر عطلان
وخلى أوراقك هنا
ومش عاوزين 3000 درهم رسوم دراسة
انا في هالوقت انفجرت
صرخت عليه كم صرخة وطلعت من شركة أملاك
ورحت مباشرة لبنك دبي الاسلامي
معرفة تامة بالعمل
اجاباتهم شافية كافية
اجراءاتهم بسيطة وسريعة ايضا مقارنة بأملاك
نسبة الربح أقل 8%
أما املاك 10%
قلت الحمدالله طلعت لي مشكلة مع املاك حت اتركهم
وأوفر أكثر من 100 الف درهم
أخوي خيماوي ، اشحااالك إن شاء الله بخير
أخوي ، البنك لو يقهر شوي بس والله الأفضل من بين كل البنوك الإسلامية و البنك اسلامي أكثر عن غير ، علشان جذيه اجراءاته تاخذ وقت و ما عليك من كلام الناس ……………….. خذها مني عن تجربه لأكثر عن مرابحه ………….. تبي تشتري سيارة عن طريق دبي الإسلامة والله مسهلينها وايد بس مو من فروع البن … فيه شركة تابعه لهم اسمها مركز الإمارات التجاري ، لها فروع بس مو وايد في دبي و الشارجة و أبوظبي على حد علمي و الإجراءات لشراء أي سيارة أسرع منها في الفروع و يمكن تلقى السيارة اللي تبيها موجوده عندهم …….. يعني كنك داش الجمعية