مشكله تواجه البنات ..
اللي ابوها منفصل عن امها
من صغرها ومالها ولي امر غير امها
وبحكم خلاصة القيد ( ابوها ولي امرها )
وهو مايعرف شي عنها !!! …
اغلب القوانين تجبر البنت حتى وهي متعديه السن القانوني ان تسحب معاها ولي امرها ( ابوها ) في كل مكان ..
مثلا : انا عندي صديقه..
عدت السن القانوني
مشكلتها تبا تفتح ملف ليسن .. ومش سامحين لها لأن لازم تيب ابوها معاها
مع العلم ان ابوها لو ما عنده مشكله ان بنته تسووق .. ممكن ينشف راسه بس غياض ..
وامها سامحتلها وموقعه على ورقه بموافقتها على فتح ملف سواقه لبنتها ..
والام من الصعب عليها تطلع من البيت بسبب ظروف خاصه !!!
………….
هالبنت ظروفها تحدها على انها تعتمد على نفسها ..
يعني مب مكفي ان الدنيا صعبه .. مصعبين على البنت امور حلها مب بيدها !!
………………………………
اريد رايكم بالموضوع !!
حاولت اني اساعدها بس ماعرف كيف ..
قلت اطرح الموضوع يمكن تلاقون لنا حل 
انزين ايدك على الواسطه ؟؟
وين تيبها ؟
الغاليه اتوقع واسطه بسيطه تمشي الموضوع كامل (ادخلي ياواسطه – اطلع ياقانون من الدريشه )
لا حول ولا قوة الا بالله
واللي تكون مواطنه وابوها وامها مواطنين
شوه تسوي !!
هاي نفس معاناة اربيعتي
ابوها مطلق امها
واخوانها صغار
وجنسيتها باسم أبوها
وابوها ساكن في بوظبي
ويوم تبا تكتتب يطلبون منها الجنسية الاصلية والجنسية الأصلية عند ابوها
عاد تغمضني انا اكتتبلها باسم أمي والا باسم حد من خواتي ما يقولون الصديق وقت الضيق
لا انا ماعندي خلاصة قيد ولا شي موب امواطنه اصلن بس امي امواطنه والاعاله عندها يمكن عشان كذي مشونا خلي امها اتقول للأب يعطيها ورقة اعالة الابناء والورقه هذي راويناها للضابط وهو وافق اني اطلع الليسن والحمد لله حصلت الليسن خليها اتكلم الضابط اللي في المرور.. انا طلعته في العين.. وسمحولي انه امي اتوقع وانها هي اللي مسؤوله عني وبس.. ^_^
أصلن مفروض دام البنت كبيره ماضن له حايه ابوها والا امها يوقعون لها بس مادري ليش يعقدون الموضوع…