السلام عليكم ..

مادري ياجماعة ..

من تاريخ 195 ثلاثة من ربعي ماقدروا يستخدمون الايفون للإتصال او استقبال المكالمات من بطاقة اتصالات ..

و اغلب الناس من اصحاب الايفون ماعندهم خبر لأنهم مشغلين خدمة الـ 3G ويتصلون عن طريق هالخدمة بدون علم ..

وعشان تتأكدوون ان الايفون ماراح يستقبل اي مكالمة ادخل على Settiings وروح General عقب Network وبنّد خدمة ال 3G وبتلاحظ انك ماراح تقدر تجري او تستقبل اي مكالمة إلا يوم ترجع وتشغل ال 3G ..

لكن يوم اتركب بطاقة دو راح يشتغل الايفون عاااااااادي ..

الموضوع غريب ..

ياريت إللي واجه هالمشكلة يتصل ف اتصالات ويبلّغ عن العطل لأني اتصلت وماصدّقوا كلامي واستغربوا السالفة ..

ياريت اتجربون وتتأكدووون واللي تظهرله هالمشكلة ياريت يتصل اتصالات ويبلّغ عن العطل ..

11 thoughts on “اللي عنده أيفون من اتصالات أو غيره يدخل .. مشكلة ..”

  1. أخوي شو قصدك “لين يومك ماشي حل” ؟
    شو يعني أنا خدعتك ؟

    إنته مطرشلي الأرقام الساعه 12 و نص يوم الخميس !!! مع إني كنت طالبنها منك يوم الأربعاء الصبح.

    و فوق هذا الشباب إتصلوا فيك و إنته ما رديت عليهم.

    طرشتلك عقبها و قلتلك إن القسم ما يداوم في الويك إند و إصبر للأحد.

    كيف تباني أساعدك يعني ؟

    أخوي، دامك مخلنها على الله، فنعم المولى و نعم النصير.
    أنا اللي عليي سويته و طرشت موضوعك للقسم المختص.
    إنحلت المشكله إنحلت، ما إنحلت الله يعوّض عليك.

    أخوي انت فاهم الموضوع غلط … انت ماقصرت وياااي والله .. ويزاك الله الف خير ..

    أنا كنت أرد على العضو a7m.a7m ومش لك الكلام .. مادري ليش انزعجت من “خلها على الله” !!! أنا قلتها لإتصالات ومشاكلها ومش لك أو لأنك قصّرت .. انت ماقصّرت .. سويت الواجب وزود !!

    يزاك الله خير أخوي .. بس محد اتصل علي !! يمكن متصلين لربعي والله اعلم ..

    لكن مش المشكلة في الارقام اللي عطيتها لك عالخاص المشكلة في كل الشبكة في اتصالات ..

    واسمحلي اذا فهمت الموضوع غلط .. ونحن أخوان .. والأخ مايزعل من أخوه ..

    __________________

Comments are closed.