اللي من بوظبي يدش ماعليكم امر

32 thoughts on “اللي من بوظبي يدش ماعليكم امر”

1. الله يبارك فيك أختي هامورة، أنا الحمدلله كنت أصلا موظف في القطاع الخاص من 12سنة، وتوني ملاقي وظيفة من ثلاثة أشهر، و متمسك بالدوام الخاص بدوام جزئي، بالنسبة للشرطة ترى عندهم أماكن مناسبة للبنات و لهم مكاتب خاصة، و خاصة في الادارة العامة، بس المشكلة عند التجنيد بتتعبين لين ما يوافقون و يعطونج وظيفة تقريبا 3 أشهر، أطلبي شي اداري خاصة قسم الاتصالات.

   بالتوفيق ،،،، و تحياتي

2. ماشاءالله بارك الله فيكم اخواني جميع على الرد

   فعلا الاماكن المذكوره كلها يبالها واسطه ومب حيالله واسطه ….الله كريم
   اخوي كفاني عذاب مشكور والله يسعدك دنيا واخره يارب التنميه مقدمه فيها اول ماتخرجت على
   فكره انا خريجه جديمه واشتغلت وقدمت استقالتي …..لا حد يقول بطرانه اذا عرف السبب بطل العجب..
   اخوي درهم بن دينار بارك الله فيك ووفقك دنيا واخره قول امين تعرف انا افضل اشتغل في شركة درهم بن دينار لقلي الجراد الأفريقي سمعت انكم تعطون رواتب حلوه والاولويه للمواطنين في كل شي <<<<وايد تحلم
   صداد مشكور اخويه والله يرزقك الوظيفه اللي تتمناها عاجلا غير اجل وبجرب حظي في الشرطه معني احسبه مكان مب مناسب حق البنات والا؟!
   اخوي الودق مشكور وايد وفعلا كل الاماكن يبالها واسطه ومعا هذا بحاول وربك كريم
   على فكره يوم قلت حق اخويه بقدم في قصر المؤتمرات جان يقولي شو بيشغلونج جرسون خخخ والله مب بعيده:o

   انا الصراحه ابا اعرف عن شركات مب معروفه وايد يعني مره سمعت عن الصناعيه اللي على طريج المصفح ومره سمعت عن شي سياحي اقتصادي بس ماعرف شو سالفته يعني اسمع من ناس هم نفسم ماعندهم معلومات كافيه عن المكان!!

   ومشكورين وايد والله يوفقكم ياربي ويفتح لكم ابواب رزقه

3. أنا مقدم من سنتين في أدنوك و جهاز الإستثمار…………ما شي خبر،
   الصحة تدور موظفين بس على بال طويل، يمكن دولفين و لا الكهرب!!! و شوفي كليات التقنية و الشرطة عندهم وظائف ادارية مناسبة. ولا تنسين اتصالات.
   بالتوفيق انشالله،،،،،،،،،،،،،،تحياتي

4. بسم الله الرحمن الرحيم

   الأخت هامورة أبوظبي:

   شركة أدنوك قسم خاص لتوظيف المواطنين National Recruitment Center NRC.
   وعلى فكرة قريب الموقع على الكورنيش يعني بالنسبة لش مافي أي مشكلة ممكن تسيرين سباحة.

   دائرة الهيئة الصحية.

   شركة دولفين للطاقة.

   هيئة مياه وكهرباء أبوظبي http://www.adwea.com/ar/news/15_10_03.htm

   شركة درهم بن دينار لقلي الجراد الأفريقي

   وأسأل الله أن يوفقني وإياك لمايحبه ويرضاة

   ودمتم

   والسلام عليكم ورحمة الله وبركاته

5. هلا اختي
   قدمي في هيئة الموارد البشريه
   وصفي في طابور طويـــــــــــــــل
   وانتظري الفرج
   وعلى فكره تقدرين تقدمين الطلب من خلال موقع الهيئه

   http://www.tanmia.ae/

   وجهزي قبل الدخول للموقع
   رقم خلاصة القيد
   رقم جواز السفر
   وواكتبي لهم الشهادات اللي عندج
   ونبذه عنج …والاماكن المفضله للعمل فيها
   وكل شي تبين تقولينه عن هالسالفه ومن متى متخرجه الخ الخ الخ

   بعدها راح يكون لج رقم طلب احفظيه في مكان امين لانه بيطول عندج
   مب يالس احبطج بس هذا الواقع …..ولكن مثل ما قلتي لعل وعسى

   وبالتوفيق يا اخت هامورة بوظبي

Comments are closed.