السلام عليكم ورحمة الله وبركاته
بختصر في الكلام
من فترة خذت فيزة لخدامة هندية وطرشت الفيزا ويت الخدامة وتمت فترة وقالت ان ابوها توفى وانها بتسير اسبوع وبتي وانا خذتلها تذكرة في نفس اليوم على درجة رجال الاعمال سيرة وردة لكن تفاجات انها مثلت علينا
مب مشكلة
المرة هاي خذت فيزة لوحدة ثانية وكلي شوق و وله انتظر وصول خدامتنا او بالاصح الفئة المستخدمة وياني اتصال منها من الهند انهم يبون عقد من السفارة الهندية رحت السفارة وطلبوا مني الاتي
شهادة راتب
كشف حساب
كفيل مواطن اخر غير الكفيل المواطن الاصلي…!!!
تصديق العقد في المحكمة..!!
تصديق العقد في وزارة الخارجية..!!
تصديق العقد في وزارة …. ما اذكر شو قالي من كثر الوزارات..!! … يمكن يبغي وزار وانا ما فهمت؟!
ايداع مبلغ 9500 كتامين في القنصلية الهندية..!!
شكيت في الموضوع طالب خدامة والا طالب سفير؟؟؟؟
بصراحة تعبت نفسيا والحين رد التعب وانا اكتب الموضوع………
خليت الحرمة تستقيل وشكلي الحين انا اللي بستقيل وبنجابل شغل البيت… امحق تطور
ابغي رايكم في الموضوع..
كلمة لو جبر خاطر في حال مواطن غريب
كلمة لو جبر خاطر في حال مواطن يريدونه ذليل
مكتب العيسى وايييد زين وفي مكتب ثاني بعد اوكيه
ييبلك اثيوبيه بس ماتكون مشتغله فمكان قبل
بتلقاها هابة ريح
واذا كانت مشتغله الله يعينك بتستغلكم وايد
ولا بنقاليه ترى نفس سالفة الهنديه
البنقاليات يسون شرات الهنديات
ولدي مات
ابوي مريض ويصيحن ومناك خريط
كلامك سليم ^^ دقات قلب
و مايحتاي اخوي تستقيل عسب شغل البيت ..
لازم نتعود على تحمل المشؤوليه بدون الخدم .. ترى حلالنا إذا نحن ماجابلنا منو بيجااابله ؟؟
لايأس مع الحياه
سير دور عند مكتب يكونو سمعته طيبه
وخلهم ايبولك خدامه تكون مشتغله قبل في مكاان
شوف مكاتب الخدم يفيدونك ان شاء الله …