اللي يدسّم شاربه ما يمطّه

ما عدت اداني هالزمان الموطا
ولا عدت افكر فيه لو ربع ساعه

اصعب سنين العمر هذي المحطه
كني بها من دون ربع وجماعه

ياوجد حالي وجد سيف ٍ مغطا
وجد الشجاع اللي اللتوتبه ذراعه

الهم فيني شاعربصف قلطه
يجر طاروق الحزن والتياعه

ياشيب عيني شب قلبي وشطه
قهرالزمان وموت روح الشجاعه

شكواي عيب ولا كشفت المغطا
ومن فضل ربي عايش ٍفي قناعه

والطيب ما يصعب على اللي ينطه
وده رجال ٍ طيبين المناعه
اللي لهم لا سجت الساق خطه
ممشا الشرف ماهوب ممشا التباعه

تلقالهم في كل الاحوال غبطه
وكل واحد ٍ منهم على طول باعه

وادلالهم تطبخ على سمر وآرطى
نار ٍ تطوع هالرسالين طاعه

سبعةحجوم ٍ جابها الشيخ وابطا
ثم إورثوها طيبين الوداعه

هذي نفوّحها وهذينقلطه
وهذي تكرّم عن وجيه الشناعه

اللي يجونك بين بدله وربطه
ولايعرفون الا علوم اللكاعه

تجار عمله من تعبطه تعبطه
وبالسوق الاسود يحرقون البضاعه

لا جاك تاجرهم بلحيه تمطى
إلعن ابو هاك الشنب واصطناعه

كلما ترز اهل النفوس المهبطه
تجثي على قبرك كلاب المجاعه

والهيلعي عقب الهدد صار بطه
وفرخ الدجاجه لا بغى الحر عاعه

والشارب اللي ما لقى من يمشطه
لا خير فيه اليا نبت عالدناعه

اللي يدسم شاربه ما يمطه
يدسمه ويسنعه بالسناعه

انا وقهري والزمن والمشطه
على مدار اربع وعشرين ساعه

ماني على بعض الرجال اتخطا
أخص هالطيب واذم الضفاعه