السلام عليكم ورحمه الله وبركاته
صبااح الخيير
شخباركم؟؟ان شاء الله بخيير وعيدكم مبارك مقدمااا..
الحيين بدش في الموضوع..
يوم الاحد العصر كنت طالعه مع اختي من المارينا مول ويالسين نتمشى في الكاسر…شويه ولا اشوف احمر ازرق احمر ازرق يولعللي…
وقفت انا على صوب…يا الشرطي وقالي لو سمحتي الليسن والملكيه…عطييته…جان يقولي الصوره اللي حاطتنها ورا ممنوع…كنت حاطه صور شيوخ…قلته والله ما كنت ادري انه ممنوع هاي الصوره من يوم عيد الاتحاد ..قال لا والله اسمحيلي بعطييج مخالفه..قلته انزيين كم المخالفه؟؟؟ قالي مبلغ بسيط 10000 بس..
قلتله صدق؟؟ اتحراه يتمصخر..على ستيكر يعطيني مخالفه ب10000؟؟؟؟ قلتله انزيين انا والله انا ماكنت ادري والحيين بشله ..ماطاع..قال اسمحليلي بعطييج مخالفه..قلتله اوكي..سار وكتب المخالفه ورد..قلتله ويين الليسن؟؟؟قال لازم يتم عندي…
خليته وسرت..يوم شفت شو كاتب على المخالفه؟؟شفت الريال حاط بنديين..1_مخالفه شروط التلويين
2-صور مع تلويين…
وكاتب في الملاحظات..حجز المركبه عند المراجعه…
انزيين الريال ما قالي اي شي عن المخفي؟؟ولا حط هالجهاز اللي يشيكون علييه على نسبه المخفي كييف جي؟؟؟
ولا قالي انه في حجز للسياره؟؟؟
رحت انا وطرشت علييه ناس…شرطه شراته نفس رتبته يعني..ماطاع..طرشت ضباط..ما طاع..طرشت رائد وعقييد..بعد ما طاع..
طرشت علييه ناس كباريه في الشرطه بعد ما طااااااااع…عاند
وسار وكتب فيني تقرير..
انزيين انا والله ما قلتله شي.شلون يكتب فيني تقرير؟؟؟قالولي اشتكي علييه لنه ما تفاهم معاج..ولا عطاج فرصه انج تتكلمين..ومو من حقه انه يكتب فييج تقريير 
الحيين انا مب عارفه شو اسوي؟؟؟يعني لازم ادفع 10000 ويحجزون سيارتي شهر… ؟؟ولا شلون؟؟؟
انا طحت في نفس المشكلة تقريبا .. بس مخالفتي كانت أكبر من جيه … مخفي جانبي بنسبة 50% و أمامي (شامل) بنسبة 30% + اني كنت حاط شمسية جدام (اللي شرات المخفي) من النوع العريض يعني من اول الجامة لين اخرها …
وقفني شرطي و قلت له بالحرف الواحد : (( أنا اعترف اني غلطان و انت لك حق تخالفني .. )) و عادي كنت كوووول و مسلم أمري لله .. تم يعطيني نصايح حوالي 20 دقيقة و انا ماشي الا حصل خير و فالك طيب و من هالرمسة المعسولة .. قال لي بمشي لك الشامل بشؤط تشيله الحين جدامي .. بس لاااااااازم اخالفك عالشمسية .. قلت له يزاك الله خير و خالفني عالشمسية (عوائق تحجب الرؤية) و كانت بــ500 درهم …
و مرة ثانية كنت مركب مخفي 70% خلفي (للابواب الخلفية) و 50% للأبواب الامامية .. وقفوني فالخالدية و حط الجهاز عاللي جدام قال هذي 65% و لاااازم تروح بوابة 4 ..
وديتها و حجزوها و كتبت كتاب استرحام كوني على أيامها طالب و ما عندي 10000 .. الحمد لله طيحولي ال10000 بس حجزو السيارة اسبوعين …
نصيحتي لج … كتـــاب استرحام لمكتب الشيخ سيف -حفظه الله- .. يبين فيه عدم استطاعتج دفع المخالفة .. و ربج كريم ان شاء الله …
بالتوفيق
عدم التفاهم مع الجمهور
وعدم تقبل الوضع
وعدم اعطاء انذار ولآخر مرة
هذا ان دل فإنما يدل على نفسية الشرطي اللي خالفج
صراحة كان يقدر يقول الموضوع جذى وبناء على كلامج اللي تقولين ما تدرين خلاص شلي الاستيكر
واخر مرة
مب 10.000 مرة وحدة
والمشكلة ما يدش المبلغ في جيبه ما ادري ليش معاند
انا شكلي بسيير اسوي كتاب استحرام…بس ما عرف ويين وشلون..اللي يعرف يخبرني بلييز؟
اختي انا صارت لي من قبل لكن تسامحنا من الشرطي بنفس الوقت وظهرنا الصورة وكاتن للمرحوم الشيخ زايد بالحرف الواحد قلته شو تباني ارمي هذه الصورة وفيها اغلى الناس في الدنيا من يوم ما وعينا على هذه الدنيا افضل اني اتركها او ان اشيلها واحتفظ بها والله استحى على ويهه وقالي خلاص شيلها وما اعطيك مخالفه ولكن لا تعاود مرة اخرى .
اختي نصيحة الكلام الحلو معاهم يلطف الجو لهم وانتم احسن منا (خاصة الجنس الناعم ) ولكن ما دام فيها كباريه من الضباط حطيها بالحجز وادفعي ال10000 بدل ما يوصلها لمكتب الوزير ( الشيخ سيف ) وصارت مع كثير من الشباب مع كبار الضباط يحط شي براسه يسويه ولا يوقفه غير مكتب الشيخ سيف
والله جان زين لو اروم..ابويه على طول شل سيارتي وشل المخفي وركبلي 40 بس…
انا كنت حاطه 70
انا ادري اني غلطانه بس الحيين شو اسوي؟؟
ما اروم ادفع 10000 من ويين بييب؟؟ بعديين هذي اول مره..ونفس ما قلت هوه اساسا ما كلمني عن المخفي…