السلام عليكم ورحمه الله وبركاته
صبااح الخيير
شخباركم؟؟ان شاء الله بخيير وعيدكم مبارك مقدمااا..
الحيين بدش في الموضوع..
يوم الاحد العصر كنت طالعه مع اختي من المارينا مول ويالسين نتمشى في الكاسر…شويه ولا اشوف احمر ازرق احمر ازرق يولعللي…
وقفت انا على صوب…يا الشرطي وقالي لو سمحتي الليسن والملكيه…عطييته…جان يقولي الصوره اللي حاطتنها ورا ممنوع…كنت حاطه صور شيوخ…قلته والله ما كنت ادري انه ممنوع هاي الصوره من يوم عيد الاتحاد ..قال لا والله اسمحيلي بعطييج مخالفه..قلته انزيين كم المخالفه؟؟؟ قالي مبلغ بسيط 10000 بس..
قلتله صدق؟؟ اتحراه يتمصخر..على ستيكر يعطيني مخالفه ب10000؟؟؟؟ قلتله انزيين انا والله انا ماكنت ادري والحيين بشله ..ماطاع..قال اسمحليلي بعطييج مخالفه..قلتله اوكي..سار وكتب المخالفه ورد..قلتله ويين الليسن؟؟؟قال لازم يتم عندي…
خليته وسرت..يوم شفت شو كاتب على المخالفه؟؟شفت الريال حاط بنديين..1_مخالفه شروط التلويين
2-صور مع تلويين…
وكاتب في الملاحظات..حجز المركبه عند المراجعه…
انزيين الريال ما قالي اي شي عن المخفي؟؟ولا حط هالجهاز اللي يشيكون علييه على نسبه المخفي كييف جي؟؟؟
ولا قالي انه في حجز للسياره؟؟؟
رحت انا وطرشت علييه ناس…شرطه شراته نفس رتبته يعني..ماطاع..طرشت ضباط..ما طاع..طرشت رائد وعقييد..بعد ما طاع..
طرشت علييه ناس كباريه في الشرطه بعد ما طااااااااع…عاند
وسار وكتب فيني تقرير..
انزيين انا والله ما قلتله شي.شلون يكتب فيني تقرير؟؟؟قالولي اشتكي علييه لنه ما تفاهم معاج..ولا عطاج فرصه انج تتكلمين..ومو من حقه انه يكتب فييج تقريير 
الحيين انا مب عارفه شو اسوي؟؟؟يعني لازم ادفع 10000 ويحجزون سيارتي شهر… ؟؟ولا شلون؟؟؟
الله يعينج اختي المفروض ما يعطي مخالفة انذار على طول بس يعطيج انذار
اللي أعرفه 10 آلاف للشامل بس ..
عموما الحين المخالفة دخلت الكمبيوتر والموضوع لو وصل فوق بتتلعوزين لأنه بيقول السالفة رشوة واستغلال سلطات
الاجراء الامثل ..
كتاب استرحام يقدم لمكتب الشيخ + عفو من الحجز
بينزلون المخالفة إلى 2000 درهم + حجز السيارة أعتقد اسبوع
وسلامتج
عموما الي اعرفة ان في حملة تفتيش في ابوظبي في
شارع الكورنيش
شارع المصفح
شارع شاطئ الراحة
السرعة فوق 180 حجز المركبة
تحديد السرعة 150 الطرق الخارجية و 80 داخل ابوظبي والحملة بدات من امس ولمدة شهر
اختي جمانه
انا اعرف ان القاضي في المرور يخفض المخالفات اذا كان السبب مقنع مثل موضوعج فقط عسب صوره عندي واحد من ربيعي عليه 17 مخالفه منهن 4 سرعه زايده,,,,,المهم راح وطلب تحلويلهن للقاضي وتم تخفيضهن كل المخالفات
طبعا للاسف اسلووب الشرطي مش حضاري ابدا..
والافلووس ترووح نفاذ بس المعامله الي عاملج فيها الشرطي مره مب شي…للاسف..
والشواذ تراهم موجودين كل مكان….
اختي انتي غلطانه والمفرووض تتحملين غلطج القانون حدد نسبة المخفي 30% ولازم الانسان يتحمل الغلط الي غلطه…
تقدرين تسوين كتاب استرحام …وان شاء الله راح يخفضوون المخالفه…لج…