اللي يعرف عن مخالفات بوظبي يدش…

29 thoughts on “اللي يعرف عن مخالفات بوظبي يدش…”

1. يالأخوان اي تلوين أكثر من 30% مخاااااالف الشروط وعقوبته 10 آلاف درهم وحجز المركبه شهر

   عن نفسي سيارتي عليها 50% بس لو خالفوني على التلوين بلوم نفسي ولا بلوم حد ثاني لأني مخالف للقوانين وانا اعرف انها مخالفه (ولو انه في تساهل موجود وأعتقد محد مركب أقل من 30% حتى الهنود)

   بس القانون صريح و ينص على ان 31% مخالف و اي تساهل يصير مو معناه ان القانون أنلغى

   وانتي تقولين ان المخفي عندج كان 70% وهذا اعتراف صريح بالغلط بغض النظر عن الصور اللي هي اصلا مخالفه بس انتي ماتعرفين

   مخالفتج هي مخالفة شروط التلوين والشرطه جزاهم الله خير يغضون النظر عن التلوين لغاية 50% كحد أقصى لأن الـ30% غير كافيه أما زيادة عن هذا الحد فهي مخالفه صريحه للقوانين

   نصيحتي لج قدمي كتاب استرحام بدون ذكر الوقائع اللي قلتيها لأنها تدل انج غلطانه والسموحه منج يا أختي انا ودي اركب عاكس بس القانون قانون وأتمنى اني أفدتج

2. ادفع 10 الاف ولا انذل هالمذلة
   اكلم فلان وعلان واسترحم ليش ها كله ؟

   ثاني شي يمكن اختي كان اسلوبج ويا الشرطي ضايقه؟..

   عيل انا ربيعي سيارته باسم شيخ ودفعوه 10000 رغم انه مسموح له شامل …

   اتييهم فترات يشددون وفترات الامور عادي ..

3. من يومين شفت مورانو سوده في بوظبي عليها استيكرات مال عيد الاتحاد؟؟

   قلت في خاطري وين تبى الناس خاصوا المسيره وبطلو الأستيكرات وهي تحوط فيهن وين الشرطه عنها؟؟

   الظاهر مستخسره اتبطلهن ههههههههه

   الناس اتجهز حق راس السنه وهي بعدها على عيد الأتحاد خخخخخخخخخخ

4. المخالفه كالاتي مخالفه شروط التلوين بي قوسين صور وهذي ماده وحده ما اعتقد مادتين وقيمتها 10.000 هذا اخر كتاب نازل لصور الشيوخ يمنع منعا باتا وهذا من 4 شهور والشرطه ينبهون الناس

5. الاستكر عليه على ماعتقد 500 درهم

   مخالفة شروط التلوين 10 الاف

   اول مره حجز ثاني مره تتصادر المركبه لشرطه

   وعسى الله يكوون فالعوون

Comments are closed.