السلام عليكم ورحمه الله وبركاته
صبااح الخيير
شخباركم؟؟ان شاء الله بخيير وعيدكم مبارك مقدمااا..
الحيين بدش في الموضوع..
يوم الاحد العصر كنت طالعه مع اختي من المارينا مول ويالسين نتمشى في الكاسر…شويه ولا اشوف احمر ازرق احمر ازرق يولعللي…
وقفت انا على صوب…يا الشرطي وقالي لو سمحتي الليسن والملكيه…عطييته…جان يقولي الصوره اللي حاطتنها ورا ممنوع…كنت حاطه صور شيوخ…قلته والله ما كنت ادري انه ممنوع هاي الصوره من يوم عيد الاتحاد ..قال لا والله اسمحيلي بعطييج مخالفه..قلته انزيين كم المخالفه؟؟؟ قالي مبلغ بسيط 10000 بس..
قلتله صدق؟؟ اتحراه يتمصخر..على ستيكر يعطيني مخالفه ب10000؟؟؟؟ قلتله انزيين انا والله انا ماكنت ادري والحيين بشله ..ماطاع..قال اسمحليلي بعطييج مخالفه..قلتله اوكي..سار وكتب المخالفه ورد..قلتله ويين الليسن؟؟؟قال لازم يتم عندي…
خليته وسرت..يوم شفت شو كاتب على المخالفه؟؟شفت الريال حاط بنديين..1_مخالفه شروط التلويين
2-صور مع تلويين…
وكاتب في الملاحظات..حجز المركبه عند المراجعه…
انزيين الريال ما قالي اي شي عن المخفي؟؟ولا حط هالجهاز اللي يشيكون علييه على نسبه المخفي كييف جي؟؟؟
ولا قالي انه في حجز للسياره؟؟؟
رحت انا وطرشت علييه ناس…شرطه شراته نفس رتبته يعني..ماطاع..طرشت ضباط..ما طاع..طرشت رائد وعقييد..بعد ما طاع..
طرشت علييه ناس كباريه في الشرطه بعد ما طااااااااع…عاند
وسار وكتب فيني تقرير..
انزيين انا والله ما قلتله شي.شلون يكتب فيني تقرير؟؟؟قالولي اشتكي علييه لنه ما تفاهم معاج..ولا عطاج فرصه انج تتكلمين..ومو من حقه انه يكتب فييج تقريير 
الحيين انا مب عارفه شو اسوي؟؟؟يعني لازم ادفع 10000 ويحجزون سيارتي شهر… ؟؟ولا شلون؟؟؟
السموحه بس هذا الكلام مش اول مره يصير انت ع الأقل حاطه مخفي بس انا أعرف ناس كانوا عند ارض المعارض وقالوا لشرطي لو سمحت ممكن نوقف في المواقف اللي جدام !! تعرفين شو رد عليهم :- ليش عشان انتم راكبين سياره ب 350 الف و شارين رقم دبي ثلاثي استويتوا احسن عن الناس ولازم توقفون جدام انا ما اشتغل عند اهلكم عشان افتح لكم الحديد !!!
عطاهم مخالفة عرقلة حركة السير و كتب فيهم تقرير و شهد عليه 3 من ربعه في الشرطه مع ان ولا حد كان في موقع الحدث و قال في التقرير ان الجماعة تهجموا عليه بكلام جارح ( طبعا ما أقدر اقول الكلام لانه مخل بالأداب) بس راعي الموتر عرف كيف ايبها و الرائد اللي في المخالفات ماقصر وقف مع الجماعة و سعادهم و يابلهم حقهم من هالشرطي
للأسف بعض التصرفات من رجال الشرطه تكون تصرفات شخصيه
و هذيل نسبتهم بسيطه جدا
و أنت بعد غلطانه
سوي كتاب استراحم في مكتب الشيخ سيف بن زايد بيخففونها لج 2000 درهم
جميل تصرف الشرطي وتمسكه بتنفيذ المخالفه
الصور والكلام الفاضي اللي يكتب على الزجاج الخلفي كان من المفروض منعه اول ما طلع..
محلات الزينه تبتكر وتربح لذوي العقليات التافهه
الله يعينج
المشاهدات وصلت الي 444 اعتقد الي صار لج عبره لجميع الاخوان…
صح انج انضريتي بس شوفي كم واحد راح يخف التلوين ويشل الصور اذا كان حاط…صور ..
الله يعينج صراحه المفروض يسامحج لان انتي بنت ومستحيل بنت تحط مخفي زياده حق اللعب ولاشي بالعكس المخفي الزياده للبنت اشوفه ايجابي لان الشباب عندنا مول مافي امل مايصدقون يشوفون بنت تسوق وراها وراها
سوي كتاب استرحام وانتهى الموضوع وعن موضوع التقرير ماعليج مايستوي شي
اللي فاهم في الشرطه يعرف مستحيل شرطي يكتب في ضابط ولا مقدم لان بيروح وطي وهذا حال الدنيا