السلام علييكم
اخواني في وحده من الاهل عرضوا عليها ميزانيه من احد الوزارات ويبون يصرفونها في عمل الخير
الي يعرف ناس محتاجين من صدق يخبرنا او يدلنا عليهم
يعني مثلا شخص ظروف صعبه ومهدد بالطرد من البيت لانه هب قادر يدفع اجار او رسوم مدرسه
محتاجين رسوم علاج او شخص محبوس بسبب مبلغ مالي عجز عن تسديده وكان ماخذنه عشان يعيل
اسرته او يدفع رسوم الدراسه (هب ماخذنه عشان سياره ووبيت كشخه وغيره)
ياليت تشوفون الحالات الانسانيه الي من حولكم وان شالله باذن الله تعالى بيتواصلون وياهم الجماعه وبيشوفون شو احتياجاتهم ياليت باسرع وقت اليوم اريد الارقام
هم كانوا يبون يسيرون الهلال الاحمر قلت لهم الهلال الاحمر عنده منو يدعمه من الحكومه هب مقصرين وياهم ليش ماتشوفون الناس المحتاجين الي ماتوصل لهم المساعدات من الاسر المتعففه الي كرامتهم ماتخليهم ولاتسمح لهم يطلبون من الناس ويمدون اياديهم والحمدلله وافقوا
باسرع وقت عطوني ارقامهم وباذن الله تعالى بيتصلون فيهم وبيتواصلون وياهم وبيدرسون حالتهم وباسرع وقت بيساعدونهم
جزاكم الله الف خير
انا اعرف كذا عايله من الأسر المتعففه
وظروفهم صعبة وااااااااايد
بس انا الحين خارج البلاد وما عندي اي ارقام للتواصل مع الاشخاص القريبين منهم
اذا لهم نصيب ان شاء الله يوم برجع يصير خير
الله يجزيك الجنة
ويوفقك للمزيد من الخير
أسأل الله يهديك لأنسب وأحوج ناس تنفعهم هالمساعدة
والله انك فرحتني بهالمبادرة الطيبة
وفقك الله
لايخوي نحن مابنطلب منهم اوراق تثبت ظروفهم الصعبه نحن نبى نتاوصل وياهم عشان نزروهم شخصيا ونسلم لهم المساعده يد بيد
والا ماكنت سويت هالاعلان لانه نحن من الاساس ندور عليهم وهذا انا الي وضحته من البدايه انه ندور على هالاسر المحتاجه لانه مثل ماقلت اي واحد يقدر يقص عليه باوراق مزوره ويقولك محتاي
انا يوم قلت دراسه قصدت انهم يتاكدون فقط من ان هالشخص او هالاسره فعلا محتاجه مثل ماتعرف ضعاف النفوس الحين حتى لو عندهم ملايين عادي يزاحم الفقارى في لقمة عيشهم وفي المساعدات حتى
احسن شي يوم تشوف الشخص قدامك وتسلمه المساعده وتحس بحاله من قريب يكون شي حلو لانك ساعتها بتحس انك بالفعل ساعدت
اخواني الي طرشولي ارقام ان شالله باجر بسلمهم للاخت وهي بتواصل وياهم وبيشوفون احتياجات كل شي
الله يفرجها على جميع المسلمين ان شالله
السلام عليكم ورحمة الله وبركاته
أخي الكريم
تبغي نصيحتي
إذا تبغون هالمبالغ توصل للمحتاجين حقا ،،، تقدرون توصلون لهم
كوبونات شراء مواد غذائية من أي من الجمعيات أو اللولو أو ما شابهها
بالمبلغ كامل
ومن ثم المرور على المنازل الفقيرة ،، وهذا ما يبغيله تعرف أنه على قد حاله ولا لا
واعطائهم هذه الكوبونات لشراء احتياجاتهم ،، وصدقني بيكون التوزيع على عينكم وبتتأكدون انه وصلت للمستحقين فعلا
لا تودي الفلوس لأي جهة خيرية ،، وزعوها بمعرفتكم
هذه انسب طريقة للتوزيع للاسر المتعففة ،، أما أوراق ودراسة حاله و و و
فهلاء لا يعتبرون أسر متعففة
وللاسف الكثير منهم يقوم باعطاء معلومات وتزوير اوراق للحصول على المساعدات وهم لا يستحقونها
اكلمك عن خبره مب بس مجرد رأي
باختصار ولكل الناس ،، إذا اردت التبرع فاعطي الشخص الذي تراه أمامك ومحتاج
الله يوفق الجميع لفعل الخير
ويجعله بميزان حسناتكم …..