ندخل فالموضوع
عندي ملاحظات على بعض التجار في النت
وموجودين في المنتدى ..
بخصوص المبالغة في اسعار السلع والبضائع
ملاحظها في شغلتين
الاولى
البعض يعرض سلعه موجوده في السوق حتى في البقالات موجوده
مثلا فالسوق سعرها 130 ويبيعها فالنت بسعر 200درهم
تراني بضرب خط وبحولك الفلوس من الانصاري وعقب بسير
ادفع تقريبا 30 درهم للتوصيل
ياخي خذلك فايده بسيطه مب تدبل السعر والمشكله سلعه موجوده
ومتوفرة بكثره 
والثانية
السلع اللي مب متوفرة في الدولة
وخصوصا العطور
هنية الاستغلال والجشع اشوفه
ايي سعر العطر مثلا 500 درهم ويبيعه هنية ب 1200 او 1000 درهم
ليش ياخي خذ فائده عشرين بالامية ثلاثين بالامية
مب امية بالامية او اكثر 
ترا الناس تروم تشتري من النت وفيه تجار يشترون للاعضاء من النت
بعمولة بسيطة لا تذكر ..
صحيح اللي يبغي يشتري يشتري بكيفة
واللي ما يبغي بعد بكيفة محد يضربة او يجبره يشتري ..
بس انتو فالنت ما عليكم ايجار محل ولا فاتورة كهربة ولا ايجار مخزن
و و و الخ
ليش الاستغلال والطمع
المفروض هنية نحصل اسعار اقل عن اسعار السوق
لان مثل ما قلنا ماعليك ايجار وكهربة و و الخ
ادري اني بحصل معارضة كبيرة
لكن شي فخاطري وحبيت افضفض
ويمكن يوافقني البعض
وعليكم السلام ورحمة الله وبركاته
أنا ياخوي وايد اشوف هالحركه في الكثير من المواضيع
ويقولك البضاعه من الخارج وعندك الزيووت خصوصا للشعر والجسم و و الخ الطبيعيه
تحصلها عند كل محلات الاعشاب وفالمنتدى يقولك هذا الزيت الفلاني ومن البلد الفلاني
ويبيعه بسعر اعلى عن السوق .
اول مرة اشوف تجارة جيه اسير اشتري بيسبي بدرهم من البقاله وابيعه فالمنتدى بدرهمين
ما يصير هذي ما استوت تجارة هذا لعب ومصخره ..
روح اشتر من المصنع بسعر اقل وبيع بالسعر المتعارف عليه فالسوق
وبتحصل فايدتك ..
اما البضايع اللي من الخارج حدث ولا حرج ..
مرة اضطريت اشتري كتاب مب متوفر فالدوله الكتاب سعره 15 درهم
دفعت عليه 300 درهم واصل لين عندي
كنت مجبور لاني محتاي الكتاب ضروري
سبحان الله البعض يتسغل الفرص والبعض يقولك لا تبخس بضاعتي
ولا تخرب عليه البيعه ..
ياخي انته ياي تقص عليهم وماخذ فايدة خياليه ما سواها
يعني لو تشتري بضاعه ب 100 الف تبيعها هنيه تحصل فايدة 150 الف او اكثر
يبالنا جميعه حماية اعضاء المنتدى
السلام عليكم و رحمة الله و بركاته ……. انا صارتلي قصه و زعلت ناس من هالموضوع … انا يثور دمي يوم اجوف ناس تستغفل ناس ولا تقص عليهم … و في منتج سعره 300 و خرده من امريكا و مع الشحن بيوصل 400 و خريدات بسيطه .. و في وحده عرتضه ب 1200 و سعر نهائي بعد المقدمة الطويله العريضه للمنتج جنه يايبتنه من القمر و يوم وضحتلها اني محصلنه في موقع اي باي الامريكي و مع الشحن باقل من نص القيمه بوايد ..عصبت و مادري شو قالتة بس الحمدلله ما سبتني .. الحمدلله .. و يوني ناس وايدين يسالوني عن الموقع و كيفية الشراء … و سالفة وحده عارضه *منتج ب 35 درهم .. و هالمنتج يباع فالسوق ب 7 دراهم …..و وحده عارضه منتج ب 25 تقريبا و حصلته في محل دايسو ب 7 دراهم بعد …. و و ايد اشياء بس هذي بعض الامثله …. احنا ما نبخس بضاعة حد بس نحن نبي نضمن حق المستهلك …. بنسوي جمعية حماية الشاري فالمنتدى ..هههههههه … و السموحه عالاطاله .. و جزاكم الله خير *
والله ياليت من الاداره يثبتون الموضوع
عشان الناس كلهم يستفيدون
ويكون العنوان باللون الاحمر وكبيييييييييييييييييييييير
ويااارب ينفع فيهم ويفيد فيهم الكلام
المشكله ياخوي بعض الناس عقلياتهم غير شكل
اعرضله شي رخيص يقول لا الزين غالي ..
بس بعد مب عذر لرفع الاسعار ..
ويقولك انا خسرت تذاكر ساير راد وشحن و و الخ
تراك سرت تتمشى وبالمره يبت كم عطر يعني تبغي اطلع فلوس السفر من ظهورنا
الله يهدي البعض من التجار والمستهلكين …