ندخل فالموضوع
عندي ملاحظات على بعض التجار في النت
وموجودين في المنتدى ..
بخصوص المبالغة في اسعار السلع والبضائع
ملاحظها في شغلتين
الاولى
البعض يعرض سلعه موجوده في السوق حتى في البقالات موجوده
مثلا فالسوق سعرها 130 ويبيعها فالنت بسعر 200درهم
تراني بضرب خط وبحولك الفلوس من الانصاري وعقب بسير
ادفع تقريبا 30 درهم للتوصيل
ياخي خذلك فايده بسيطه مب تدبل السعر والمشكله سلعه موجوده
ومتوفرة بكثره 
والثانية
السلع اللي مب متوفرة في الدولة
وخصوصا العطور
هنية الاستغلال والجشع اشوفه
ايي سعر العطر مثلا 500 درهم ويبيعه هنية ب 1200 او 1000 درهم
ليش ياخي خذ فائده عشرين بالامية ثلاثين بالامية
مب امية بالامية او اكثر 
ترا الناس تروم تشتري من النت وفيه تجار يشترون للاعضاء من النت
بعمولة بسيطة لا تذكر ..
صحيح اللي يبغي يشتري يشتري بكيفة
واللي ما يبغي بعد بكيفة محد يضربة او يجبره يشتري ..
بس انتو فالنت ما عليكم ايجار محل ولا فاتورة كهربة ولا ايجار مخزن
و و و الخ
ليش الاستغلال والطمع
المفروض هنية نحصل اسعار اقل عن اسعار السوق
لان مثل ما قلنا ماعليك ايجار وكهربة و و الخ
ادري اني بحصل معارضة كبيرة
لكن شي فخاطري وحبيت افضفض
ويمكن يوافقني البعض
موفق بإذن الله … لك مني أجمل تحية .
صح كلامك اخوي محمد الشحوح
الله المستعان
وشكرا اخوي سرحان ع ـالموضوع
اشكرك اخويه سرحان على الموضوع الصريح والاكثر من رائع …
انا كنت ادخل الموقع من فتره طويله وما كنت عضو فيه ومره حبيت اطلب وسويت لي عضويه وبديت اشارك … في مره ريال كان يبا يشتري نظاره راي باي العاكس من عند تاجر في المنتدى وقلنا له نبا نعاينها اول شي والريال في بوظبي … وانا استخدم هالنظاره من زمان وعندي كم وحده وكم لون … يوم مرينا على الريال اللي يبيعهم ويحلف لك 100 يمين انها اصليه واخر شي يوم عاينتها طلعت تقليد … يعني من وين اييبها هو ولا يصنعها في البيت ؟؟؟
والله وايد بضاعه في المنتدى تقليد واسعارها ضعفين ولا ثلاث اضعاف سعرها الاصلي … بس يقولون التجاره شطار بس مش نصب واحتيال …
امس اجوف ريال عارض ساعه ب 1000 درهم وكاتب للجادين فقط … وهي سعرها في السوق اقل من 500 درهم يعني ما بين ال 420 لين 500 درهم … بس المشكله في الزبون الغشيم والمغلوب على امره اللي يطلب بدون ما يتاكد من الاسعار والجوده …
في النهايه اقول … العاقل طبيب نفسه …
واسمحولي على الاطاله
شـكــ وبارك الله فيك ـــرا لك … لك مني أجمل تحية .
بس يا اخوني هذا سوق…. التجار الي اهني يطبقون الي صاير عندنا بشارع اسواقنا نفس الطريقه اسعار عليا خياليه لا حسيب ولا رقيب في حد حاسبهم .. ارد واقول فلوسنا عندنا وبضاعتهم عندهم نحن نقدر نتحكم ب الاسعار لا تشترون قاطعوهم وشوف كيف الاسعار بتنزل
اخوي انت في بلد حر (free Country)
شكرا
الســلام عليكم
اشكرك اخوي سرحان على هالموضوع ..
مع اني احس ان ما بيغير شئ ..
لكن على الاقل انطلع الي في خواطرنا ..
وبقولكم قصة ..
انـا رحت ادرس في المـانيا سنة كـاملة ..
رديت قبل رمضان بيوم كنت شاري عطووور واايد لاهلي وللربع .. وشاري حـلويـاااات بعد ..
والله يا جمــاعة الخير دشيت المنتدى قبل اسبوعين تقريبا ..
لقيت موضوع يبيع عطور وفي كم من عطر انـا شارنهـن .. وزايد قيمتهـن 200 درهم كــاملة ..
هذا وانـا حاسبنهن على القيمة الي فالمانيا وهالبلاد معروفة بغلاتهـا والضرايب الي على كل شئ تقريبا حتى على الكنيسة ياخذون ضرايب .. فلو نروح امريكا ونشوف سعر العطر بنحصله اقل ..
(والله لو دريت اني بستفيد 200 من كل عطر بشتري 100 عطر وبييبهن وياي)
والي الصراحة يتني غصة فيه ورحت طالع نازل فالموضوع اتاكد من السعر عن موضوع كان يبيع حلاوة
وهالحـلاوة كانت عشقي الاول في المـانيا .. دراااااااازن منهـا في الفندق وويـا الربع بعد ..
ومب من غلاتهـا واايد .. لكن اتفاجـأ ان سعرهـا وصل فووق ال 500 درهم في الامـارات ..
بطلت عيووووني .. شو مستوي فالدنيا .. والحـلاوة كلهـا عبعضهـا ما تتجـاوز 30 يورو(تقريبا 150 درهم) للكرتون كــامل ..
والي يضحك فالموضوع ان حاط هدية ويا الحـلاوة والهدية اغلى من الحـلاوة نفسهــا .. يعني المفروض يعرض الهدية للبيع وتكون الحــلاوة هدية معــاهـا . ؟ ؟
لا وازيدكم من الشعر بيت .. في بعض التجــأر ماخذ الزبون على انه صغير وما يفتهـم ..
مثــلا يعرضلك شئ ويقولك هذا سعره في باريس غاليري 3600 درهم وانـا ما استخدمت هالشئ
الا كم من مره واريد ابيعـه ب 2700
اخر شئ تكتشف وانت تتمشى في باريس غاليري انـ سعر هالبضاعة 2800 او 2900
شو بتسوي فهالحـالة .. تضربك غصة وتقول الله يعين الزبون الي اشترا البضاعه وانقص عليه ..
وعشان نكون حقانين ..
نحن ما نتكلم عن كل التجــار .. عن فئة قــاموا يكثرون هالايــأم .. من هالنوعية
بس في تجـار والنعم فيهـم والله .. تعـامل راقي ومصداقية فالاسعار والله يعطيهم الصحة والعـافية
ادري اتفلسفت واايد بس هذا الي فخـواطرنـا ..
هـ م ـــسة : لست بغريب على المنتدى ولكني كنت زائر لفترة تقارب الثلاث سنوات فقط والآن سجلت فالمنتدى