المتأهل فهد سعيد الرميثي …

20 thoughts on “المتأهل فهد سعيد الرميثي …”

1. برنامج تافهه الاشكال والويوه نفسها كل سنه
   الا لو يانا عماني ولا سعودي هذا اليديد ولا الباقي كل سنه
   يشاركون ! مالهم داعي المفروض يخلون لغيرهم المجال
   يعني من كل هذيلا اللي يتقدمون .. ماحداحسن عن اللي كل سنه

2. الله يوفقه،

   بس إسمحولي، مب مستعد أدفع بيزاتي عشان أرشح.

   لا

   لازم ترشح بصوتك هذي مافيها خساره

3. الله يوفقه،

   بس إسمحولي، مب مستعد أدفع بيزاتي عشان أرشح.

4. بغض النظر عن الانتقادات اللي حصلت للبرنامج لكنه يعتبر من انجح البرامج الاماراتية على شاشة التلفزيون بعد شاعر المليون ودليل نجاحه المشاركات من بعض الدول الخليجية وتحديهم شبابنا باليوله والمتابعة الغفيره للكثير من العائلات في الإمارات والدول الخليجية الشقيقه والدول العربية

   صحيح المذاكره ابرك له من اليوله ولكن من جهة ثانية اليوله ابرك له من ستار اكاديمي والمسخره اللي تصير في القنوات الفضائية التافهة واللي مضيعه افكار وعقليات اجيال عربية وصار همها الرقص والغناء الماجن

   اما بخصوص اليويله يمكن هم ييولون بسلاح خفيف او بالاصح لعبه على شكل سلاح لأن السلاح اثقل واخطر واتذكر اني كلمت واحد من الشباب اللي شاركوا باليوله وقالي انه ييول بالسلاح الحقيقي عادي ولكن بسبب البرنامج والخفه المطلوبه بتحريك السلاح وقوانين المسابقة اجبرهم على استخدام لعبه على شكل سلاح

   بعض الشباب اللي يشاركون في برنامج اليوله من الشباب المتفوقين دراسيا والمحترمين اخلاقيا ومافي اي مانع انهم يشتركون بهالنوعية من البرامج التراثية على الاقل الشباب يتعلمون شي تراثي ابرك لهم من الرقصه على وحده ونص

   عندي تحفظ على بعض النقاط مثل الشعر الطويل اللي صار موضه عند غالبية اليويله والمخرج التافه اللي كل شوي يعرض لنا بنات يالسات على المسرح كل وحده وقذلتها ويصفقن ويصفرن ومكياج تافه وهالحركه بعد صايره في برنامج شاعر المليون من إخراج فاشل يطلع لنا بعض البنات ال……. ( بدون تعليق )

   مسرح او منصه 99% شباب وشواب ….. مادري ليش رازات بويوهن لين انصاص الليالي … السؤال يطرح نفسه … ويــــــــــــــن اهليتهم

   برنامج ناجح وإن كان هناك تصويت واستغلال مادي ولكن بالنهاية نحن اللي نصوت ونحن اللي نرسل المسجات يعني محد ضربنا على ايدينا حتى نرسل المسجات والخيار عندنا فقط .. اللي يبا يرسل مسج خلوه يرسل مسج واللي يبا يكتفي بالمشاهده خلوه على راحته

   خلك كووووووووووووول وصوت بلسانك … يعني بلكلام فقط توفر 6 دراهم على ما اعتقد

   والله يوفق الجميع

   

5. بالتوفيق اخويه فهد وفالك الناموس باذن الله….
   اما بالنسبه للبرنامج نفسه….ممكن انه يكون مع السنوات فعلا فقد نكهته وتميزه ولكنه من البرامج اللي نالت اعجاب وايدين واحسن من برامج تافهه غيره وايده ……واذا عالدراسه عمرها الهوايه ماكانت عائق للانسان اللي يبا يدرس….واليواله تعتبر هوايه مافيها شي اذا حبّوا انهم يطورونها…..
   بالتوفيق مره ثانيه يا فهد ولك مني صوت من الحين خخخخخخخ

Comments are closed.