المحافظ الاستثماريه كثرت في الفتره الاخيره

29 thoughts on “المحافظ الاستثماريه كثرت في الفتره الاخيره”

1. اتمنى التوفيق للجميع لكن عليكم بالحيطة والحذر من النصابين واصحاب المحافظ الوهميين وهدفهم الوحيد جمع المال ثم الاختفاء

2. بسم الله الرحمن الرحيم

   الأخ رعــــــد ،

   انا شخصياً اعرف واحد عامل محفظه ولله الحمد يشتغل بالحلال وله ضمانته للعميل
   يشتغل في العقارات من ابناء البلد
   واللي يدخل معاه في المحفظه لازم هوه يقابله شخصياً ويقابله في المكتب عشان العميل يحس بالراحه ويطمن ويعرف مكان المكتب مب شغلة لف ودوران .
   ومثل ما قال الأخ سعادة السيد :
   (واللي بيدخل ومتردد لا يدخل احسن له لانه بعيش بوسوااااس)

   (والتجاره ربح او خسارة)
   و الله يوفق الجميــــــــــــع

   IvI

3. مشكووور على طرحك للموضوع

   المحفظه لها اسس وقوانين ومب سهله

   انت بيكون عليك التزام مالي شهري

   مب بس للمساهمين

   واللي يفكر ان اي محفظه التزامها بيكون صوب المساهمين بيكون غلطان

   لانه بيكون عندك رواتب موظفين وايجار مكاتب ومصاريف نثريه بشكل يومي لا زم تغطيه

   والاهم الربحيه لصاحب المحفظه

   لانه راعي المحفظه يدور الربح اكيد

   الشغل بيكون متواصل24 ساعه

   صاحب المحفظه بروحه مستحيل يقوم بكل الشغل بيكون عنده متابعين ومراسلين يتابعون عنه

   بس الانجاز الفعلي والقانوني في رايي يكون لصاحب المحفظه هو صاحب القرار الاول والاخير

   وفي رايي انا شخصيا

   اي حد بيدش محفظه مب عيب ولا غلط يستفسر عن اي صغيره وكبيره لانه حقه الفعلي في حماية تعبه
   بس في مثل يقول (( حرص بس لا تخون )) يعني كون حريص بس لا تخون(بشد الواو) الشخص اللي قدامك

   وفي كل مكان وزمان

   لازم الكل يعرف

   في الشين وفي الزين
   في ولد الحلال وفي ولد الحرام
   في اللي يدور الحلال وفي اللي يدور الحرام

   هذا شي ما يقدر حد ينفيه

   ولكل شخص مثل ما ذكر اخوي سعادة السيد

   (واللي بيدخل ومتردد لا يدخل احسن له لانه بعيش بوسوااااس)

   والايام بتثبت للجميع ان شاء الله المصداقيه او عدم المصداقيه

   هذا رايي الشخصي انا

   والله يوفق الجميع

4. اللي سمعت عتهم انا

   دبي القابضة او دبي العقارات مو متأكد
   البوم فدبي
   الدانة الزرقاء فالعين
   سما الامارات دبي اظن او بوظبي
   بعد وحده ما اعرف اسمها بس اعرف بشو يشتغلون فدبي
   وسهم الامارات ما اعرف
   محفظة الاميرة تابعة للاميرة للسيارات فبوظبي
   وتقريبا 3 محافظ اعرف كم يعطون بس اساميهم ما اعرف تقريبا فدبي
   وبعد محفظه آليتهم بالمرابحه بالعقارات بيع وشراء الشارجه ودبي

5. عن نفسي اذا عندي عقد موثق يكفي وسند قبض موثق بعد ما احتاج لمقابل صاحب الشان يكفي انه عنده مندوب يجمع المال ويشغلونها بآلية عمل المحفظة وانا اخذ ارباحي عالفترة المحددة

   واللي بدخل معاه على ثقة شركته وشغلها وسؤالي عنها وسمعتها طيبها وشغلها موجود ملموس بدخل وبتوكل على الله

   واللي بيدخل ومتردد لا يدخل احسن له لانه بعيش بوسوااااس

   والتجاره ربح او خسارة

   واللي يدخل عسب يضمن راس ماله مع الربح فقط يعني ما حاط باله انه في خسارة اسمحولي انه اقول هذا يعتبر حرام ولا يجوز على اسالتي اللي سالتها للشيخ المفتي

   وبرجع اقول التجارة ربح وخسارة

   مثال اشتريت 10 تلفونات فرضنا ب 10 الاف سعرهم وبعت كل تلفون بروحه ب1200 درهم يعني كلهم ب 12 الف درهم انزين لو فرضنا تلفون واحد خرررب ولازم تبديل كامل يعني تعطي العميل جهاز يديد عالضمان انزين هاي راحت 1200 درهم يعني 10800 درهم بقى لك يعني راح عنك الربح وبقى القليل وعقب شهر تلفون ثاني خربان وصلتحه وغيره وغيره يعني في خسارة صح واحيانا يمكن ما اييك ولا تلفون خربان صح وانته ربحان

   المحافظ الزين فيها تستلم مبالغ شهريه او عالفترة المتفق عليها فوق راس المال وخلا سنة راس المال مع الارباح شي قوي صراحه

   اما انته بتحط مشروع على حسب ميزانية المشروع ولين ترجع راس المال سنتين لين 4 سنوات ترجعه وعقب ارباحك

   انا اشجع عليها صراحه المحافظ بس تكون موضحه آليتها بالعمل كامل للمساهم لانه يعتبر مشارك براس المال يمكن عنده فكرة او اقتراح يطور العمل او يوفر عليهم شي ويكون المردود اعلى عن قبل

Comments are closed.