المربيات

9 thoughts on “المربيات”

1. اللي يقدر يستغني عنهن افضل واريح

2. هذا مش من مكاتب الخدمات ولا من الخدامات ارواحهم
   هذا كله من اللي حاطين القوانين والشروط في صالحهم ويسرحون ويمرحون بمزاجهم
   ونحن المواطنين ترانا الضحية
   لا بعد يوم تشرد الخدامة يذلونك ذل في الجوازات غصبن عن عينك تدفع لها تذكرة
   تراني انا حصلتها في الشاراع وخذيتها بلاش
   يعني ولا جني دفعت درهم فيها
   الله يكون في عوننا المهم اني اليوم خلصت اجراءاتها في الجوازات
   لا وبعد طلعت يديدة ب 5500 درهم غير ضرب الاقامة والضمان الصحي اللي اصلا ماله داعي هالخساير كلها
   يالله هذي اليديدة ويبناها واذا ماصدرت قوانين وشروط في صالح الكفيل ووضع قوانين صارمة ضد المكاتب والاهم المربياااات تراها بعدها اليديدة بتشرد وبعمم عليها وبدفع تذكرة وعلى ماجرى
   ولاحول ولا قوة الا بيده سبحانه
   والصبر جميل
   عسى خير

3. هاي معاناتنا الأزلية مع البشاكير .. و أخوية ترى في مكاتب تتفق مع البشكارة بمجرد ما تخلص فترة الضمان يشردونها .. شو رايك أن بشكارتنا شردت و اكتشفنا ان حد من المكتب هو إللي يى و خذها من ورى بيتنا !!!! يعني يشردونها عيني عينك .. و هالكلام اعترفت فيه عقب ما شردت بسنة ونص يوم يت تبى جوازها و التذكرة عسب ترد بلادها!!!!!!! .. ماعندهم ضمير ..

4. اذا كنت تعطي البشكارة 600 درهم كراتب شهري ففي ناس و بالذات الاخوة المقيمين مستعدين يعطونها 800 درهم مقابل انها تشرد و تشتغل عندهم. وهم مب خسرانين شيء . ما راح يدفعون لا ضمان صحي ولا اقامة يعني اتي لهم البشكارة شاردة مبردة على طبق من ذهب. المواطن في الاخير تراه راح يدفع تامين تذكرة طيران ب 1000 درهم يوم بسوي تعميم للبشكارة الشاردة و هاي تجربة صارت لي شخصيا. انسب شيء تسويه انك اول ما تييب اي بشكارة لا تعطيها راتب اول شهرين (وفرهم لوقت سفر الخدامة او تكون تامين لك في حالة شردت الخدامة من عندك) ولا تخليها تظهر خاري البيت وايد . و بعدين حط جواز البشكارة في مكان امين. والله يسلمنا و سلمكم من شردات البشاكير

5. انا ويااااك في ها الموضوع والمفروض يوم ايزخووون الشغاله الشارده ما يخلونها اتسافر ان شاء الله لووو تخدم عشر سنوات لين ما اطلع تدفع اللي خسروه علها اهل البيت

   عشان يتأدبن وبعد يفرضون غرامه على ها المكاتب عشان ما يحرضون الشغالات على الشرده اسميهن مصايب !!

Comments are closed.