السلام عليكم ورحمة الله
شحالكم ان شالله طيبين اتمنى انكم باحسن حال 
الله يسلمكم الكثير يسالني بخصوص خدمات المسجات على الخاص او على الايميل ويبون يعرفون اليتها وطريقتها وشرعيتها
ان شالله بهالموضوع تلقون كل اللي يفيدكم بخصوص هالخدمه الخفيفه والمربحه…
1- طريقتها : ان يكون عندك رقم قصير للارسال المسجات عليه وتكون تكاليف الرساله في المعتاد 5 دراهم 50% تروح لشركات الاتصالات اللي خذت منها الرقم مثلا من اتصالات او دو
50% لك يعني ربحك على كل رساله 2,5
2-آليتها: في طريقتين للالية العمل بهالخدمه :
أ- الحصول على ترخيص من هيئة الاتصالات للحصول على الخدمه وقيمة الترخيص عندنا في البحرين 50000 درهم وفي اسبوعين بالكثير يطلع الترخيص وهالطريقه جيده عشان تكون 50% من قيمة المسج كلها لك
ب- الاتفاق مع شركة عندها هالترخيص مثلا( امارات كول) او غيرها ان ياخذون لك الرقم من شركة الاتصالات باسمهم ويكون السرفر عندهم وبهالطريقه يكون لهم 15% من نسبة النصف يعني لهم 15% من 2,5
لان 50% اللي تاخذها شركة الاتصالات بالبدايه لازم ان ماتدخل بالمفاوضات وعاده الشغل يكون جذي وانا مجربه وهالطريقه زينه للي مايبي تراخيص ويفتح محل وموظفين وسرفرات وغيره يعني سهله وسريعه بعد
3- شرعيتها: بعد سؤال علماء الدين والمفتيين افادونا جزاهم الله خير بأن:
في حالة ان الشخص يرسل مسج عشان يشارك بالمسابقه لكن توصل له خدمه مقابل هالمسج بتكون حلال ولن تدخل بالميسر مثال :
الحين شخص شارك بالمسابقه تمام فلازم عليك ان تعطيه خدمه يستفيد منها كارسال برنامج على الجهاز عشان يستفيد منه او ارسال مسج حكمه او شي غير المهم ان يتم تقديم شي مقابل هالمسج غير الجائزه الكبرى المخصصه بهالطريقه بتخرج من دائرة الميسر والله اعلم
لكن في حاله ان الشخص ارسل ولااستلم شي وتم ينتظر نتيجه الجائزه فبتكون من باب الميسر لان الشخص يرسل عشان يجرب حظه في الجائزه..
فانا شخصيا انصح بالاولى وللعلم الطريقه الاولى نهائيا مش مكلفه بعد
ان شالله اكون فدتكم بخصوص خدمة المسجات ولأي سؤال او توضيح لايردكم الا لسانكم
وبالتوفيق ان شالله
جزاك الله خير اخوي نايف
شكرا لج اختي ام شيخة ع التوضيح
بس مثل ما قال اخوي نايف لازم يقدمون خدمات مقابل ارسالي للرسالة ولا بيدخلون في الميسر
اذا كانت جايزة ما عليه يمكن راحت لواحد غيري ومب من نصيبي
بس لو يطرشون لج رسالة وما يطرشونج شي ها كلام ثاني
وتسلمون مرة ثانية
اخوي اكسبشن صراحه تسلم على كلامك الطيب ومشاركتك وتشجيعك
وان شالله اكون قد هالكلام واحاول ان كلنا نتعاون ونطلع لنا بشي مفيد ان شالله
والله يوفقك ان شالله اخوووي وتسلم مره ثانيه على متابعك واهتمامك
^____^
عجزت من كثر التعبير ومب عارف كيف اعبر عن هالانسان مشكور ياخوي نايف وان شاءالله دوم الى الامام وربي معاك وعساه دوم يرعاك ان شا ءاالله
مره ثانيه وثالثه تسلمين اختي ام شيخه على متابعتج وتوضيحج الصحيح ماشالله عليج
والله يوفقج ان شالله اختي ام شيخه على تواجدج الدائم ويعطيج العافيه على تفكيرج التجاري