المساعده في القضاء على الفئران

9 thoughts on “المساعده في القضاء على الفئران”

1. انا اتصلت على181 وطلبت قسم مكافحه الحشرات جان يعطوني قسم مكافحه المخدرات
   بعدين اتصلت بلديه ابوظبي وطلبت قسم مكافحه الحشرات
   قالوا هذا القسم تخصص وعطوني رقم الشركه المختصه بالقوارض والجماعه ما قصروا طرشوا هندي وعلى ظهره ادرام ،وقام يرش البيت ،قلت له رفيق شو تسوي صرصور ونمل ما في مشكله فار في مشكله
   قال لا او لازم صرصور موت وبعدين فار موت ،وفتح البالوعه والا الصراصير تارسين البالوعه ،جان يفسخ الهندي نعاله وتم يضرب فيهم ،ويوم شاف ما في فايده راح السياره وعطاني كيس شعير وقال هذا سم مال فيران ،قلت له والصراصير الي هيجتها علي شو حلها قال ما في معلوم خبر مصري، وحطيت الشعير مال الفئران بس ما حل المشكله؟
   الحين عندي مشكتلتين فئران وصراصير شو الحل غير البلديه؟؟؟؟؟؟؟؟؟؟؟؟؟؟؟؟؟

   ضحكت لين دمعت !! الله يسعدك يارب ويفكك من مشكلتك هذي .. ولا مسوي عمره خبير الهندي .. روح أيس بتحصل عندهم حل أن شاء الله. “على فكره وصفك رهيب للحوار .. لو صحفي كومدي ماوصف مثلك”

   .. السموحه ..

2. اخوي اتصل بالبلدية قسم مكافحة الحشرات والقوارض
   في العين علا هالرقم
   7020241_03

3. انا اشوف الفئران والصراصير اذكياء هالايام

   لو حطينا دواء للفئران من البلدية جان ابتعدوا عن هالسوالف

   لو رشينا بف باف الصراصير والنمل والذباب

   يحطون على خشومهم وقاية من الكيماويات

   يعني شو الحل وياهم ؟؟؟

4. أخوي ييب لك شركة مكافحة الحشرات بيرشون لك البيت بأحسن ما يكون وياخذون عنك 300 درهم ويعطونك ضمان بعد وأنت والخير رباعه … لا تنتظر بلدية ولا هم يحزنون لان أساليبهم بدائية … الشعير الناس تستخدمه في السبعينات أما الحين الدنيا تطورت وشي أساليب حديثة في القضاء على الحشرات والزواحف .

   [LINE]hr[/LINE]

   من مواضيعي في قسم البيع والشراء

Comments are closed.